Kolkata: మీడియాని చూసి పరిగెత్తిన పోలీస్ అధికారి.. ఎందుకంటే..

కోల్‌కతా, ఆగస్ట్ 20: ఆర్ జీ కార్ మెడికాల్ కాలేజీ ఆసుపత్రిలో పోస్ట్ గ్రాడ్యుయేషన్ ట్రైయినీ వైద్యురాలి హత్యాచార ఘటన కేసులో నిందితుడి సంజయ్ రాయ్‌ను సీబీఐ తనదైన శైలిలో విచారిస్తుంది. ఆ ఘటన జరిగిన రోజు.. అంటే ఆగస్ట్ 9వ తేదీ తెల్లవారుజామున.. అంతకుముందు రోజు రాత్రి ఏం జరిగిందంటూ నాటి సంఘటనలను సంజయ్ రాయ్‌ నుంచి సీబీఐ అధికారుల విచారణలో రాబడుతున్నారు.

Also Read: Jammu and Kashmir Elections: తొలి విడత ఎన్నికలకు నోటిఫికేషన్ విడుదల

అలాంటి వేళ.. మంగళవారం కోల్‌కతాలోని సీబీఐ స్పెషల్ క్రైమ్ బ్రాంచ్ కార్యాలయం వద్ద ఆసక్తికర సంఘటన చోటు చేసుకుంది. ఈ కేసులో నిందితుడు సంజయ్ రాయ్‌తో అత్యంత సన్నిహితంగా మెలిగే ఏఎస్ఐ అరుప్ దత్తా సీబీఐ క్రైమ్ బ్రాంచ్ కార్యాలయానికి వచ్చారు. అక్కడే ఉన్న మీడియా ప్రతినిధులు అతడిని ప్రశ్నించేందుకు ప్రయత్నించారు. అంతే సీబీఐ కార్యాలయంలోకి అతడు పరుగు తీశాడు. అందుకు సంబంధించిన వీడియో సోషల్ మీడియోలో వైరల్ అవుతుంది.

Also Read: Jammu Kashmir assembly polls: జమ్మూ కశ్మీర్‌కు ఖర్గే, రాహుల్

పశ్చిమ బెంగాల్‌ పోలీస్ శాఖలో ఏఎస్ఐగా అరుప్ దత్తా విధులు నిర్వహిస్తున్నారు. అతడి స్నేహితుడు సంజయ్ రాయ్‌ కోల్‌కత్తాలో వైద్యురాలిపై హత్యాచారం కేసులో నిందితుడిగా ఉన్నారు. వైద్యురాలిపై హత్యాచారం అనంతరం ఈ ఏఎస్ఐ అరుప్ దత్తాకు సంజయ్ రాయ్.. తన సెల్ ఫోన్ నుంచి పలుమార్లు ఫోన్ చేసినట్లు అతడి కాల్ డేటాను పరిశీలించిన సీబీఐ అధికారులు గుర్తించారు. దీంతో తమ విచారణకు హాజరుకావాలని అరుప్ దత్తాకు సీబీఐ అధికారులు సమన్లు జారీ చేశారు. అలా సీబీఐ కార్యాలయానికి వచ్చిన దత్తాను మీడియా ప్రతినిధులు గుర్తించి.. ప్రశ్నించేందుకు ముందుకు దూసుకు వచ్చారు. అంతే వారి ప్రశ్నల తాకిడికి తట్టుకోలేక.. ఏఎస్ఐ సీబీఐ కార్యాలయంలోకి పరుగు లంకించుకున్నాడు.

Also Read: Uttar Pradesh: మొరాదాబాద్‌ దారుణం.. నర్స్‌పై లైంగిక దాడి.. ఆసుపత్రి సీజ్

ఇక ట్రైయినీ వైద్యురాలిపై హత్యాచారం ఘటనకు పాల్పడే కొన్ని గంటల ముందు తాను కోల్‌కతా మహానగరంలో ఎక్కడ మద్యం తాగింది.. ఏ ఏ ప్రదేశాల్లో ఎవరితో కలిసి తిరిగిన విషయాలను సీబీఐ అధికారులకు సంజయ్ రాయ్ ఓ క్రమ పద్దతిలో వివరించినట్లు సమాచారం. దీంతో సంజయ్ రాయ్‌తో సంబంధమున్న వారికి సీబీఐ అధికారులు సమన్లు జారీ చేసి.. విచారణకు హాజరుకావాలని ఆదేశిస్తున్నారు.

Also Read: Karnataka: సీఎం సీటు కోసం డీకే శివకుమార్ తాపత్రయమా..?

Also Read: Spurious Liquor: కల్తీ మద్యం తాగి.. 14 మందికి తీవ్ర అస్వస్థత

For Latest News and National News click here