Narendra Modi: పూర్తైన 3 రోజుల అమెరికా టూర్.. ఢిల్లీకి బయలుదేరిన ప్రధాని మోదీ

తన మూడు రోజుల అమెరికా పర్యటనను విజయవంతంగా ముగించుకుని ప్రధాని నరేంద్ర మోదీ(narendra modi) మంగళవారం న్యూయార్క్‌ నుంచి ఢిల్లీకి బయలుదేరారు. మూడు రోజుల పర్యటన సందర్భంగా న్యూయార్క్‌లోని ఐక్యరాజ్యసమితిలో క్వాడ్ లీడర్స్ సమ్మిట్, సమ్మిట్ ఆన్ ది ఫ్యూచర్ (SOTF)లో మోదీ పాల్గొన్నారు. దీంతో పాటు ఆయన తన పర్యటనలో కొన్ని ముఖ్యమైన ద్వైపాక్షిక సమావేశాలకు కూడా హాజరయ్యారు. ఆ క్రమంలో వియత్నాం అధ్యక్షుడు తో లామ్‌తో సమావేశమైన ప్రధాని నరేంద్ర మోదీ, ఇరు దేశాల మధ్య సంబంధాలను పెంపొందించుకోవడంతోపాటు కనెక్టివిటీ, వాణిజ్యం, సంస్కృతి వంటి రంగాల్లో సహకారాన్ని పెంపొందించుకోవడంపై చర్చించారు.

అండగా ఉంటాం

ఈ క్రమంలోనే ప్రధాని నరేంద్ర మోదీ సోమవారం న్యూయార్క్‌లో ఉక్రెయిన్ అధ్యక్షుడు వోలోడిమిర్ జెలెన్స్కీతో ద్వైపాక్షిక సమావేశాన్ని నిర్వహించారు. దాదాపు నెల రోజుల వ్యవధిలో ఇరు నేతల మధ్య ఇది రెండో సమావేశం కావడం విశేషం. ప్రధాని మోదీ ఆగస్టు 23న ఉక్రెయిన్‌ను సందర్శించారు. ఉక్రెయిన్ వివాదంలో శాంతిని పునరుద్ధరించడానికి అన్ని విధాలుగా భారతదేశం అండగా ఉంటుందని అప్పుడు మోదీ ప్రకటించారు. తాజాగా శాంతిని త్వరగా పునరుద్ధరించడానికి అవసరమైన పరిష్కారాలు అవసరమని ప్రధాని మోదీ పునరుద్ఘాటించారు. ఈ క్రమంలో అన్ని విధాలుగా సహకరించడానికి భారతదేశం సిద్ధంగా ఉందన్నారు. ఉక్రెయిన్‌, రష్యా మధ్య గత రెండేళ్లుకుపైగా యుద్ధం కొనసాగుతోంది.

ఫ్యూచర్ సమ్మిట్‌

ప్రధాని మోదీ మూడు రోజుల అమెరికా పర్యటన నేపథ్యంలో శనివారం విల్మింగ్టన్‌లో జరిగిన క్వాడ్ లీడర్స్ సమ్మిట్‌లో ఆయన పాల్గొన్నారు. ఆదివారం లాంగ్ ఐలాండ్‌లో జరిగిన మెగా కమ్యూనిటీ కార్యక్రమంలో వేలాది మంది భారతీయ అమెరికన్ కమ్యూనిటీ సభ్యులను ఉద్దేశించి ప్రసంగించారు. సోమవారం UN ఫ్యూచర్ సమ్మిట్‌లో ప్రసంగించారు. మూడు రోజులూ ప్రపంచ నేతలతో ద్వైపాక్షిక చర్చలు కూడా జరిపారు. ప్రధాని మోదీ ఇటీవల పర్యటన ఇరు దేశాల మధ్య స్నేహం, లోతైన బంధాన్ని ప్రతిబింబిస్తుందని US ఇండియా స్ట్రాటజిక్ అండ్ పార్టనర్‌షిప్ ఫోరమ్ (USISPF) ఒక ప్రకటనలో తెలిపింది.

బైడెన్ చివరి భేటీ

మెగా 'మోదీ అండ్ యూఎస్' కమ్యూనిటీ ఈవెంట్ సందర్భంగా నసావు వెటరన్స్ కొలీజియంలో 13,000 మంది భారతీయ అమెరికన్లను ఉద్దేశించి ప్రధాని ప్రసంగించారు. నిర్వాహకుల ప్రకారం వారిలో ఎక్కువ మంది న్యూయార్క్, న్యూజెర్సీ ప్రాంతానికి చెందినవారు కాగా, భారతీయ అమెరికన్లు 40 రాష్ట్రాల నుంచి రావడం విశేషం. భారత్‌తో సంబంధాలను మరింత బలోపేతం చేసినందుకు యుఎస్‌ఐఎస్‌పీఎఫ్ అధ్యక్షుడు జో బైడెన్‌కు కృతజ్ఞతలు తెలిపారు. నవంబరు 5న అమెరికాలో జరిగే అధ్యక్ష ఎన్నికల్లో ఏ అభ్యర్థి గెలుపొందినా, న్యూఢిల్లీతో వ్యూహాత్మక సంబంధాలను బలోపేతం చేసుకుంటామని వెల్లడించారు. ఈ క్రమంలో ప్రధాని మోడీతో బైడెన్‌కు ఇది చివరి సమావేశం. 2025 జనవరిలో వైట్‌హౌస్‌కు ఎవరు వచ్చినా వ్యూహాత్మక భాగస్వామ్యాన్ని ముందుకు తీసుకెళ్తారని ఆయన ఈ సందర్భంగా స్పష్టం చేశారు.

ఇవి కూడా చదవండి:

Online Shopping Tips: పండుగల సీజన్‌లో ఆన్‌లైన్‌ షాపింగ్ చేస్తున్నారా.. ఈ జాగ్రత్తలు తప్పనిసరి

Bank Holidays: అక్టోబర్‌లో బ్యాంకు సెలవులు ఎన్నిరోజులంటే.. పనిచేసేది మాత్రం..

Customers: జియో, ఎయిర్ టెల్, వీఐలకు షాకిచ్చిన కస్టమర్లు.. బీఎస్ఎన్ఎల్‌కు లాభం

Money Saving Tips: రోజు కేవలం రూ. 100 ఆదా చేయడంతో కోటీశ్వరులు కావచ్చు.. ఎలాగంటే

Read More National News and Latest Telugu News