Viral Video: జర్నలిస్టుపై బాలీవుడ్ నటుడి వీరంగం.. వీడియో వైరల్

న్యూఢిల్లీ: బాలీవుడ్ నటుడు రాజ్‌పాల్ యూదవ్ (Rajpal Yadav) ఓ పాత్రికేయుడిపై ఆగ్రహంతో రెచ్చిపోయారు. ఫోన్ ఊడలాక్కుని విసిరికొట్టే ప్రయత్నం చేశారు. ప్రస్తుతం ఈ వీడియో వైరల్ అవుతోంది. కామిక్ టైమింగ్‌తో మంచి పేరు తెచ్చుకున్న రాజ్‌పాల్ యాదవ్ ఇటీవలే విడుదలైన కార్తీక్ ఆర్యన్, విద్యా బాలన్ చిత్రం 'భూల్ భులియా 3'లో కూడా నటించాడు. ఉత్తరప్రదేశ్‌లోని లఖింపూర్ జిల్లా పాలియా టౌన్‌లో ఆయనను దీపావళి గురించి ఓ ప్రాతికేయుడు ప్రశ్నించగా ఆయన మండిపడ్డాడు. కోపంతో ఫోన్ లాక్కునే ప్రయత్నం చేయడం ఆ వీడియో చివరిలో కనిపిస్తుంది.

Yogi Adityanath: ముంబై పోలీసులకు బెదిరింపు.. అరెస్ట్

అసలేం జరిగింది?

తొలుత ఓ పాత్రికేయుడు రాబోయే చిత్రంపై అడిగినప్పుడు ఒకటి, ఒకటిన్నర నెలలో వస్తుందని రాజ్‌పాల్ యాదవ్ చెప్పారు. బాణసంచా కాల్చొద్దంటూ దీపావళికి ముందు ఆయన ఇచ్చిన ప్రకటనపై తిరిగి ఆ పాత్రికేయుడు ప్రశ్నించాడు. అప్పటికే ఆయన ఇచ్చిన ప్రకటనపై విస్తృతంగా చర్చ జరగడంతో రాజ్‌పాల్ యాదవ్ కోపం కట్టెలు తెంచుకుంది. వెంటనే పాత్రికేయుడి ఫోన్ లాక్కుని దూరంగా విసిరే ప్రయత్నం చేశాడు.

అనంతరం ఆ జర్నలిస్టు రాజ్‌పాల్ యాదవ్ చేసిన ఘనకార్యానికి చెందిన వీడియోను సామాజిక మాధ్యమం ఎక్స్‌లో పోస్ట్ చేశాడు. ''ప్రజలను నవ్వించడం ద్వారా పేరుప్రఖ్యాతులు తెచ్చుకున్న నటుడికి ఎందుకు అంత ఆగ్రహం వచ్చింది?'' అని ప్రశ్నించాడు. దీనికి ముందు, రాజ్‌పాల్ యాదవ్ ఇన్‌స్ట్రాగ్రామ్‌లో ఒక వీడియో పోస్ట్ చేశాడు. దీపావళి రోజు బాణసంచాకు దూరంగా ఉండాలంటూ ఆయన పోస్ట్ చేశారు. ఆయన పోస్ట్ నెటిజన్లకు అగ్రహం తెప్పించింది. నెగిటివ్ స్పందనలే ఎక్కువగా వచ్చాయి. తన వీడియో చర్చకు దారితీయడం, వివాదాస్పదం కావడంతో వెంటనే దానిని రాజ్‌పాల్ యాదవ్ తెలగించారు. దీపావళి సంబరాలను తగ్గించే ఉద్దేశం తనకు లేదంటూ క్షమాపణ కూడా చెప్పారు.

ఇవి కూడా చదవండి:

No Cash Payments: పెట్రోల్ పంప్, సూపర్ మార్కెట్లలో నగదు చెల్లింపులు బంద్.. పోలీసుల ప్రకటన

Hemant Soren: మేము గెలిస్తే నెలకు 7 కేజీల రేషన్, పీంఛన్ పెంపు చేస్తాం

Read More National News and Latest Telugu News