తెరుచుకున్న శబరిమల అయ్యప్ప ఆలయం
ABN, Publish Date - Nov 17 , 2024 | 04:14 AM
మండల-మకరవిళక్కు దీక్షల సీజన్‌లో భాగంగా శబరిమల అయ్యప్ప స్వామి ఆలయం తెరుచుకుంది.
తిరువనంతపురం, నవంబరు 16: మండల-మకరవిళక్కు దీక్షల సీజన్‌లో భాగంగా శబరిమల అయ్యప్ప స్వామి ఆలయం తెరుచుకుంది. శనివారం ఉదయం నుంచి భక్తులను అయ్యప్ప దర్శనానికి అనుమతిస్తున్నారు. తొలి రోజునే 30 వేల మంది స్వామి వారిని దర్శించుకున్నారని అధికారులు తెలిపారు. ఆలయ ప్రధాన పూజారుల సమక్షంలో శుక్రవారం సాయంత్రం నాలుగు గంటలకు గర్భాలయ తలుపులు తెరిచారు. పూజా కార్యక్రమాల అనంతరం శనివారం ఉదయం నుంచి భక్తులకు స్వామి వారి దర్శనం కల్పిస్తున్నారు. కాగా, రోజూ లక్ష మంది భక్తులు దర్శనం చేసుకునేందుకు వీలుగా ఆలయం వద్ద ఏర్పాట్లు చేశామని ఏడీజీపీ శ్రీజిత్‌ తెలిపారు.
Updated Date - Nov 17 , 2024 | 04:15 AM
