Wife: మీ భార్యలో ఈ లక్షణాలు ఉంటే.. మీరు చాలా అదృష్టవంతులు..

Wife Qualities: ప్రపంచంలో భార్య, భర్తల బంధం చాలా గొప్పది. పెళ్లి సంబంధాల విషయంలో మన పెద్దలు అటు ఏడు తరాలు, ఇటు ఏడు తరాలు చూసి మరీ పెళ్లి చేసేవారు. ఈ కాలంలో మాత్రం అమ్మాయి నచ్చి ఆమె గుణాలు నచ్చితే చాలా పెళ్లికి ఓకే చేస్తున్నారు. జీవితంలో మంచి భార్యను పొందాలన్నా పురుషుడికి అదృష్టం ఉండాలని అంటారు. అయితే, మంచి భార్య అంటే ఇలానే ఉండాలి అని కచ్చితంగా చెప్పలేం..కానీ ఈ గుణాలు ఉంటే మంచిది అని అంటారు.

గౌరవం:

భార్యభర్తలిద్దరూ ఒకరినొకరు గౌరవించుకోవడం చాలా ముఖ్యం. భర్త చెప్పే మాట వినే భార్య దొరకడం అదృష్టం. అలా అని భర్త చెప్పే తప్పుడు పనులకు గుడ్డిగా ఓకే చేయడం మంచిది కాదు. భర్త తప్పుడు మార్గంలో ఉన్నప్పుడు భార్య సరైన మార్గంలో నడిపించాలి. అలా భర్తను సరైన మార్గంలో నడిపించే భార్య దొరికిన వారు చాలా లక్కీ.

ఆర్ధిక సహాయం:

భర్త ఆర్ధిక కష్టాల్లో ఉన్నప్పుడు భార్య సహాయం చేస్తుంది. జీవితం ఎప్పుడూ ఒకేలా ఉండదు కాబట్టి కష్ట సమయంలో భర్తకు తోడుగా ఉండే భార్య ఉన్న వారు అదృష్టవంతులు. అలా కాకుండా భర్త కష్టాల్లో ఉన్నప్పుడు సహాయం చేయకపోగా బాధపెడుతూ హేళన చేయడం వంటి పనులు చేస్తే మీ జీవితం ఇక నరకమే.

ప్రశాంత స్వభావం:

ఎల్లప్పుడు ప్రశాంతంగా ఉండే భార్య దొరకడం చాలా అదృష్టం. శాంతియుతంగా ఉండే మహిళ భార్యగా వస్తే జీవితం ఎంతో సంతోషంగా సాగుతుంది. అలా కాకుండా ప్రతి చిన్న విషయానికి కోపం పడుతూ చిరాకుగా ఉండే భార్య దొరికితే ఆ భర్త ప్రశాంతంగా ఉండలేరు.

సంతృప్తి:

మనిషి సంతృప్తి చాలా ముఖ్యం. అత్తవారింటిలో ఎలా ఉన్నా.. సర్దుకొని సంతృప్తిగా ఉండే మహిళ భార్యగా దొరకడం చాలా లక్కీ. అలాంటి భార్య వస్తే భర్తకు అన్నీ శుభాలే. సంతృప్తి లేని మహిళలు ఎన్ని ఉన్నా.. ఏమీ లేనట్లుగా ఫీల్ అవుతూ భర్తను ఇబ్బందులకు గురిచేస్తారు.

ఓపెన్ మైండ్:

ఓపెన్ మైండ్ ఉన్న అమ్మాయిలను అబ్బాయిలు ఎక్కువగా ఇష్టపడతారు. ఈ లక్షణం ఉన్న మహిళ భార్యగా వస్తే భర్తలకు ఎన్నో విషయాల్లో పనులు సులువుగా మారుతాయి. భర్తకు ఒత్తిడి ఉండదు. విషయం ఏదైనా ఓపెన్ గా చెబితే ఆ భర్త అర్థం చేసుకునే అవకాశం ఉంటుంది. అలా ఉండటం వల్ల ఇద్దరి మధ్య బంధం మరింత బలపడుతుంది.