Navya : లోభత్వానికి ఫలితం
ABN, Publish Date - Jul 12 , 2024 | 12:07 AM
దానం భోగో నాశ స్తిస్రో గతయో భవన్తి విత్తస్యయోన దదాతి న భుంక్తే తస్య తృతీయా గతిర్భవతి...
సుభాషితం
దానం భోగో నాశ స్తిస్రో గతయో భవన్తి విత్తస్యయోన దదాతి న భుంక్తే తస్య తృతీయా గతిర్భవతి... అంటూ లోభత్వం వల్ల కలిగే అనర్థం గురించి తన ‘నీతిశతకం’లోని ఈ శ్లోకంలో భర్తృహరి వివరించాడు.
దాన్ని...
దానము భోగము నాశము
పూనికతో మూడు గతులు భువి ధనమునకున్‌
దానము భోగము నెరుగని
దీనుని ధనమునకు గతి ద్రుతీయమె పొసగన్‌... అనే పద్యరూపంలో తెలుగులో అందించాడు ఏనుగు లక్ష్మణకవి.
భావం:
డబ్బు ఖర్చు కావడానికి మూడు మార్గాలు ఉన్నాయి. మొదటిది: ఎవరికైనా దానం చేయడం. రెండోది: తాను అనుభవించడం. మూడోది: అది నాశనం కావడం. ఎవరికీ దానం చేయకుండా, తాను ఖర్చు పెట్టి సుఖపడకుండా లోభత్వంతో దాచిన ధనం చివరకు ఎందుకూ కొరగాకుండా పోతుంది, నాశనమైపోతుంది, దొంగల పాలు అవుతుంది. దానాన్నీ, భోగాన్నీ ఎరుగని వాడి సంపదకు చివరికి దుర్గతే పడుతుంది.
Updated Date - Jul 12 , 2024 | 12:07 AM
