America: డొనాల్డ్‌ ట్రంప్ ఘన విజయం
ABN, Publish Date - Nov 07 , 2024 | 10:53 AM
వాషింగ్టన్: అగ్రరాజ్యం అమెరికా అధ్యక్ష ఎన్నికల్లో రిపబ్లికన్‌ అభ్యర్థి డొనాల్డ్‌ ట్రంప్ ఘన విజయం సాధించారు. తన ప్రత్యర్థి, డెమొక్రటిక్‌ పార్టీ అభ్యర్థి కమలాహ్యారిస్‌తో ఆద్యంతం ఉత్కంఠగా.. ‘నువ్వా-నేనా’ అన్నట్లుగా సాగిన పోరులో ట్రంప్ అప్రతిహత విజయాన్ని సాధించారు. 538 ఎలక్టోరల్‌ కాలేజీ ఓట్లకు గాను.. అధ్యక్ష పదవిని చేపట్టడానికి మ్యాజిక్‌ ఫిగర్‌ 270ని సునాయాసంగా దాటేసిన ట్రంప్.. కడపటి వార్తలందేసరికి 292 చోట్ల విజయాన్ని నమోదు చేసుకున్నారు. ఆ సమయానికి ట్రంప్ ప్రత్యర్థి, భారత సంతతికి చెందిన డెమొక్రటిక్‌ అభ్యర్థి కమలాహ్యారిస్‌ 224 ఎలక్టోరల్‌ సీట్లను కైవసం చేసుకున్నారు. ముందు నుంచి సర్వేలు ట్రంప్‌నకు అటూఇటుగానే ఉన్నా.. ఓటర్లు మాత్రం ఆయనకు అండగా నిలిచారు. ఈ ఘన విజయంతో ట్రంప్ మరో అరుదైన రికార్డును సాధించారు.
అమెరికా అధ్యక్ష ఎన్నికల్లో రిపబ్లికన్‌ అభ్యర్థి డొనాల్డ్‌ ట్రంప్ విజయం సాధించారు.
ఎన్నికల ఫలితాల అనంతరం సతీమణి మెలానియాతో కలిసి అభివాదం చేస్తున్న డోనాల్డ్ ట్రంప్..
గెలుపు తర్వాత సంతోషంతో ప్రజలనుద్దేశించి ప్రసంగిస్తున్న ట్రంప్..
భర్త విజయం సాధించడంతో డోనాల్డ్ ట్రంప్ సతీమణి మెలానియా ప్రజలకు అభివాదం తెలుపుతున్న దృశ్యం..
అమెరికా ఎన్నికల్లో ఉపాధ్యక్షుడిగా విజయం సాధించిన తెలుగింటి అల్లుడు జేడీ వాన్స్‌తో డోనాల్డ్ ట్రంప్..
అమెరికా ఉపాధ్యక్షుడిగా విజయం సాధించిన జేడీ వాన్స్.. సతీమణి చిలుకూరి ఉష (సెకండ్ లేడీ ఆఫ్ అమెరికా)తో..
ఉపాధ్యక్షుడిగా విజయం సాధించిన జేడీ వాన్స్.. అభిమానులకు షేక్‌హ్యాండ్ ఇస్తూ.. భార్య చిలుకూరి ఉషతో కలిసి సందడి చేశారు.
Updated Date - Nov 07 , 2024 | 10:53 AM
