AIR Show: ట్యాంక్ బండ్‌పై ఎయిర్ షో.. ఆకట్టుకున్న వైమానిక విన్యాసాలు
ABN, Publish Date - Dec 09 , 2024 | 06:27 AM
ప్రజా విజయోత్సవాల సందర్భంగా తెలంగాణ ప్రభుత్వం పలు కార్యక్రమాలు చేపట్టింది. ఇందులో భాగంగానే హుస్సేన్ సాగర్‌పై అద్భుతంగా వైమానిక విన్యాసాలు అదరగొట్టాయి. ఒకేసారి ఆకాశంలో 9 ఎయిర్ క్రాఫ్ట్స్ సందడి చేశాయి. సూర్య కిరణ్ టీమ్ ఆధ్వర్యంలో 9 ఎయిర్ క్రాఫ్ట్స్ విన్యాసాలు చేశాయి.
ఎయిర్ షో‌కు ముఖ్య అతిథిగా సీఎం రేవంత్ రెడ్డి, మంత్రులు హాజరయ్యారు. అలాగే సాయంత్రం 5 గంటల నుంచి రాత్రి 9 గంటల వరకు సాంస్కృతిక కార్యక్రమాలు జరిగాయి.
అరగంటకు పైగా సాగిన ఎయిర్ షోలో భారత వాయుసేనకు చెందిన సూర్యకిరణ్‌ ఏరోబాటిక్‌ గ్రూప్‌ కెప్టెన్‌ అజయ్‌ దాశరథి బృందానికి చెందిన తొమ్మిది హాక్‌ ఎంకే 132 విమానాలు చేసిన విన్యాసాలు ఔరా అనిపించాయి.
ఆదివారం కావడంతో వీక్షించేందుకు వచ్చిన జనంతో హుస్సేన్‌సాగర్‌, నెక్ల్‌సరోడ్డు, ఎన్టీఆర్‌ మార్గ్‌ పరిసరాలు కిక్కిరిసిపోయాయి. ఎయిర్‌షో భాగంగా విమానాలు త్రివర్ణ పతాకంలోని రంగులను విరజిమ్మాయి
ఒక్కసారిగా నింగి మూడు రంగుల జెండా రూపును సంతకరించుకోవడంతో వీక్షకుల మనసు దేశభక్తితో ఉప్పొంగి భారత్‌ మాతాకీ జై అంటూ నినాదాలు చేశారు
విన్యాసాల్లో భాగంగా రెండు విమానాలు ప్రేమ చిహాన్ని (లవ్‌ సింబల్‌) వేయగా మరో విమానం బాణం గుర్తుతో మధ్యలోంచి దూసుకెళ్లడంతో వీక్షకులు ఈలలు వేశారు.
ఎయిర్‌షో నిర్వహించిన ఇండియన్‌ ఎయిర్‌ఫోర్స్‌ బృందానికి రేవంత్ అభినందనలు తెలిపారు.
హుస్సేన్‌సాగర తీరాన నిర్వహించిన ‘ఎయిర్ షో’ను చూసి జనం కాసేపు తమను తామే మరిచిపోయారు.
Updated Date - Dec 09 , 2024 | 06:35 AM
