హైదరాబాద్‌లో కుండపోత వర్షం దృశ్యాలు..
ABN, Publish Date - May 17 , 2024 | 08:13 AM
రాష్ట్ర రాజధాని హైదరాబాద్‌లో గురువారం సాయంత్రం కుండపోత వర్షం కురిసింది. దీంతో లోతట్టు ప్రాంతాలు జలమయమయ్యాయి. రోడ్లపై భారీగా వరద నీరు చేరడంతో వాహనదారులు తీవ్ర ఇబ్బందులు పడ్డారు. చెట్లు, కొమ్మలు విద్యుత్తు తీగలపై విరిగిపడటంతో పలుచోట్ల విద్యుత్ సరఫరాకు తీవ్ర అంతరాయం ఏర్పడింది. గురువారం మధ్యాహ్నం వరకు నగరంలో ఎర్రటి ఎండలే కాయగా.. 3 గంటల తర్వాత పరిస్థితి ఒక్కసారిగా మారిపోయింది. ఆకాశం పూర్తిగా మేఘావృతమై భారీ వర్షం పడింది. యూసుఫ్‌గూడలో 9 సెం.మీ., బంజారాహిల్స్‌ వెంకటేశ్వరకాలనీ 8.7 సెం.మీ, మలక్‌పేటలో 8.5, బేగంబజార్‌లో 8.3 సెం.మీ. వర్షపాతం నమోదైంది.
హైదరాబాద్ వీఎస్టీ వద్ద కురిసిన వర్షానికి రోడ్లు జలమయం కావడంతో వాహనదారుల ఇబ్బందులు పడుతున్న దృశ్యం.
గురువారం నగరంలో కురిసిన వర్షానికి ఎర్రగడ్డలో జలమయమైన ప్రధాన రహదారి..
ఆర్కే నగరంలో రోడ్డుపై ప్రవహిస్తున్న వర్షం నీరు..
హైదరాబాద్, నాంపల్లి ప్రధాన రహదారిలో వరదనీటిలో స్కూటీలో వస్తూ అదుపుతప్పి పడిపోయిన దంపతులు..
నగరంలో గురువారం సాయంత్రం బంజారాహిల్స్‌లో కురిసిన వర్షానికి రోడ్ నెంబర్ 1లో వరద నీటిలో వాహనాలు..
హైదరాబాద్‌లో గురువారం సాయంత్రం కురిసిన వర్షానికి అమీర్‌పేటలో వరదనీటికి మునిగిన బైక్.. రోడ్డుపై మోకాలు లోతు దాటిన వరద నీరు..
Updated Date - May 17 , 2024 | 08:13 AM
