Viral News: డబ్ల్యూడబ్ల్యూఎఫ్ ఛాంపియన్ కంటే నాకేం తక్కువ.. ఈ మందుబాబు అరాచకం మామూలుగా లేదుగా..
ABN, Publish Date - Feb 18 , 2024 | 05:03 PM
మందు బాబులం.. మేము మందు బాబులం.. మందు కొడితే మాకు మేమే మహారాజులం.. ఇది ఓ పాటలోని లైన్. కానీ మందుకొడితే నిజంగానే మహారాజుల్లాగా ఫీలయిపోతున్నారు కొందరు మద్యం ప్రియులు.
మందు బాబులం.. మేము మందు బాబులం.. మందు కొడితే మాకు మేమే మహారాజులం.. ఇది ఓ పాటలోని లైన్. కానీ మందుకొడితే నిజంగానే మహారాజుల్లాగా ఫీలయిపోతున్నారు కొందరు మద్యం ప్రియులు. మనల్ని ఎవడ్రా ఆపేది అంటూ చెలరేగిపోతున్నారు. రెచ్చిపోదాం బ్రదర్.. అంటూ ఇష్టమొచ్చినట్లు ప్రవర్తి్స్తున్నారు. మద్యం మత్తులో వారు చేసే తప్పులు అన్నీ ఇన్నీ కావు. ఏం చేస్తున్నారో వారికే తెలియదు. ఇతరులను దూషించడం, నోటికొచ్చింది మాట్లాడడం, గొడవ పడటం వంటివి చాలా సాధారణమైన విషయాలు. మద్యం మత్తులో జరుగుతున్న వింత వింత పనులు అన్నీ ఇన్నీ కావు. ప్రస్తుతం అలాంటి వీడియో ఒకటి సోషల్ మీడియాలో వైరల్ గా మారింది.
వైరల్ అవుతున్న ఈ వీడియోలో మద్యం మత్తులో ఉన్న యువకుడు నిలబడి స్టంట్స్ చేయడాన్ని చూడవచ్చు. రోడ్డుకు అవతల దూరంగా పార్కింగ్ చేసిన కారును చూస్తూ వింత వింత సైగలు చేశాడు. అనంతరం అమాంతం అక్కడి నుంచి వేగంగా పరిగెత్తుతూ కారుపై పల్టీలు కొట్టాడు. అంతటితో ఆగకుండా కారు అద్దాలు ధ్వంసం చేశాడు. డబ్ల్యూడబ్ల్యూఎఫ్ ఛాంపియన్ గా ఊహించుకుంటూ కారుపై దాడి చేశాడు. ఈ ఘటనలో కారు అద్దాలు పూర్తిగా పగిలిపోయాయి. ఈ దృశ్యాలు అక్కడ ఉన్న సీసీ ఫుటేజీలో రికార్డయ్యాయి. ఆ వీడియో సోషల్ మీడియాలో పోస్ట్ చేయడంతో క్షణాల్లో వైరల్ గా మారింది.
ఇంటర్నెట్ లో తెగ చక్కర్లు కొడుతున్న ఈ వీడియోకు 1.4 మిలియన్ల వ్యూస్, 23,000కు పైగా లైక్స్ వచ్చాయి. అంతే కాకుండా ఈ సంఖ్య ఇంకా పెరుగుతోంది. మద్యం మత్తులో ఉన్నప్పటికీ అతని స్టంట్స్ అద్భుతంగా ఉన్నాయని నెటిజన్లు తమ అభిప్రాయాలను కామెంట్ల రూపంలో రాస్తున్నారు.
మరిన్ని ప్రత్యేకం వార్తల కోసం ఈ లింక్ క్లిక్ చేయండి.
Updated Date - Feb 18 , 2024 | 05:05 PM
