Viral Video: పెళ్లి వేడుకలో కాబోయే భార్యకు షాకిచ్చిన వరుడు.. ఆమె ఎందుకు కన్నీళ్లు పెట్టుకుందంటే..

ABN , Publish Date - May 11 , 2024 | 12:26 PM

పెళ్లి అనేది ప్రతి ఒక్కరి జీవితంలోనూ అతి ముఖ్యమైనది. ఆ వివాహ ఘట్టం ఎప్పటికీ ప్రత్యేకంగా నిలిచిపోవాలని వధూవరులు కోరుకుంటారు. తమకు ఆత్మీయులైన వారిని, స్నేహితులను, బంధువులను పెళ్లికి ఆహ్వానిస్తారు. చాలా ఎమోషనల్‌గా ఫీల్ అవుతుంటారు.

Viral Video: పెళ్లి వేడుకలో కాబోయే భార్యకు షాకిచ్చిన వరుడు.. ఆమె ఎందుకు కన్నీళ్లు పెట్టుకుందంటే..

wedding

పెళ్లి (Wedding) అనేది ప్రతి ఒక్కరి జీవితంలోనూ అతి ముఖ్యమైనది. ఆ వివాహ ఘట్టం ఎప్పటికీ ప్రత్యేకంగా నిలిచిపోవాలని వధూవరులు కోరుకుంటారు. తమకు ఆత్మీయులైన వారిని, స్నేహితులను, బంధువులను పెళ్లికి ఆహ్వానిస్తారు. చాలా ఎమోషనల్‌గా ఫీల్ అవుతుంటారు. ప్రస్తుతం ఓ వివాహానికి సంబంధించిన వీడియో సోషల్ మీడియాలో వైరల్‌గా మారింది. ఆ వీడియోలో వరుడు (Groom) ఇచ్చిన సర్‌ప్రైజ్ గిఫ్ట్‌కు వధువు (Bride) అందరి ఎదుటే కన్నీళ్లు పెట్టుకుంది (Viral Video).

goodnews_movement అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వివాహ వేడుక జరుగుతోంది. ఆ వివాహ వేడుకలో కనిపించిన అమ్మమ్మను (Grand Mother) చూసి వధువు కన్నీళ్లు పెట్టుకుంది. భావోద్వేగాన్ని కంట్రోల్ చేసుకోలేకపోయింది. వధువు అమ్మమ్మ చాలా కాలంగా అనారోగ్యంతో బాధపడుతోంది. ఆమె వివాహ వేడుకకు హాజరయ్యే అవకాశం లేదని వధువు భావించింది. అయితే వరుడు తన కాబోయే భార్యకు తెలియకుండా ఆమె అమ్మమ్మను తీసుకొచ్చే ఏర్పాటు చేశాడు. కాబోయే భార్యను సర్‌ప్రైజ్ చేశాడు.

ఈ ఎమోషనల్ వీడియో సోషల్ మీడియాలో వైరల్‌గా మారింది. ఈ వీడియోకు మిలియన్‌కు పైగా వ్యూస్ వచ్చాయి. దాదాపు 67 వేల మంది ఈ వీడియోను లైక్ చేశారు. ఈ వీడియోలోని వరుడిపై నెటిజన్లు ప్రశంసలు కురిపించారు. ``నాకూ కన్నీళ్లు వస్తున్నాయి``, ``ఆమ్మమ్మతో ఆమె బంధాన్ని అర్థం చేసుకున్నాడు``, ``గ్రేట్.. నిజమైన ప్రేమ అంటే ఇదే`` అంటూ నెటిజన్లు కామెంట్లు చేశారు.