Viral Video: బ్యాక్ బెంచ్ స్టూడెంట్.. ఆ కుర్రాడి ట్యాలెంట్‌కు టీచర్ ఫిదా.. చివరకు ఏం చేసిందో చూడండి..!

ABN , Publish Date - Aug 27 , 2024 | 06:03 PM

ఒక తరగతిలోని పిల్లలందరూ ఒకేలా చదవలేరు. ఒక్కొక్కరికీ ఒక్కో అంశంపై ఆసక్తి ఉంటుంది. పిల్లల ఆసక్తులు ఏంటో తెలుసుకుని ప్రోత్సహించాల్సిన బాధ్యత టీచర్‌పై ఉంటుంది. ప్రస్తుతం వైరల్ అవుతున్న వీడియోలో ఓ కుర్రాడు తన అద్భుత ట్యాలెంట్‌తో అందరినీ ఆశ్చర్యపరిచాడు.

Viral Video: బ్యాక్ బెంచ్ స్టూడెంట్.. ఆ కుర్రాడి ట్యాలెంట్‌కు టీచర్ ఫిదా.. చివరకు ఏం చేసిందో చూడండి..!

student Talent

ఒక తరగతిలోని (Class) పిల్లలందరూ ఒకేలా చదవలేరు. ఒక్కొక్కరికీ ఒక్కో అంశంపై ఆసక్తి ఉంటుంది. పిల్లల ఆసక్తులు ఏంటో తెలుసుకుని ప్రోత్సహించాల్సిన బాధ్యత టీచర్‌ (Teacher)పై ఉంటుంది. ప్రస్తుతం వైరల్ అవుతున్న వీడియోలో ఓ కుర్రాడు తన అద్భుత ట్యాలెంట్‌తో (Talent) తన క్లాస్ స్టూడెంట్స్, టీచర్‌నే కాకుండా ఎంతో మంది నెటిజన్లను కూడా ఆశ్చర్యపరిచాడు. ఆ వీడియో నెట్టింట తెగ వైరల్ అవుతోంది. ఆ వీడియో చూసిన వారు ఆ కుర్రాడిపై, అతడి ట్యాలెంట్‌ను ప్రోత్సహించిన టీచర్‌పై ప్రశంసలు కురిపిస్తున్నారు (Viral Video).

raieheema అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ క్లాస్ రూమ్ కనిపిస్తోంది. టీచర్ ఓ కుర్రాడిని పిలిచి ``నీ ట్యాలెంట్ చూపించు`` అని అడిగింది. మొదట ఆ కుర్రాడు సిగ్గుపడ్డాడు. టీచర్ బలవంతపెట్టడంతో ఆ కుర్రాడు తన చేతులతో అచ్చం గుర్రం (Horse) పరుగెడుతున్నట్టు శబ్దం వచ్చేలా చేశాడు. అనంతరం గుర్రంలా సకిలించాడు. ఆ కుర్రాడి ట్యాలెంట్ చూసిన తర్వాత క్లాసులోని విద్యార్థులందరూ చప్పట్లతో అభినందించారు. అనంతరం టీచర్ ఆ కుర్రాడిని అభినందిస్తూ ఓ చాక్లెట్ ఇచ్చారు.

ఆ ఘటన మొత్తాన్ని వీడియో తీసి సోషల్ మీడియాలో పోస్ట్ చేశారు. ఆ వీడియో సోషల్ మీడియాలో వైరల్‌గా మారింది. ఈ వైరల్ వీడియోకు కోట్లలో వ్యూస్ వచ్చాయి. 23 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ప్రతిభ ఏదయినా సరే, దానికి ఇంత విలువ ఇవ్వాలి``, ``ఆ కుర్రాడు కచ్చితంగా బ్యాక్ బెంచ్ స్టూడెంట్ అయ్యుంటాడు``, ``పిల్లలు మనస్ఫూర్తిగా తమ స్నేహితుడిని అభినందించారు`` అంటూ కామెంట్లు చేశారు.