Viral Video: ఓహో.. అందుకే చలి ఇంతలా పెరుగుతోందా? అంకుల్ చేసిన పనిపై నెటిజన్ల ఫన్నీ కామెంట్లు..

ABN, Publish Date - Dec 24 , 2024 | 03:16 PM

ఉష్ణోగ్రతలు భారీగా పడిపోవడంతో చాలా మంది చలితో వణుకుతున్నారు. ముఖ్యంగా ఉత్తరాది ప్రజలు చలిని తట్టుకోలేకపోతున్నారు. చలికి సంబంధించిన ఓ ఫన్నీ వీడియో ప్రస్తుతం సోషల్ మీడియాలో వైరల్ అవుతోంది. ఆ వీడియో చూస్తే నవ్వకుండా ఉండలేరు.

funny video going viral

ప్రస్తుతం దేశంలో చలి (Cold) విజృంభిస్తోంది. ఉష్ణోగ్రతలు భారీగా పడిపోవడంతో చాలా మంది చలితో వణుకుతున్నారు. ముఖ్యంగా ఉత్తరాది ప్రజలు చలిని తట్టుకోలేకపోతున్నారు. చలికి సంబంధించిన ఓ ఫన్నీ వీడియో (Funny Video) ప్రస్తుతం సోషల్ మీడియాలో వైరల్ అవుతోంది. ఆ వీడియో చూస్తే నవ్వకుండా ఉండలేరు. @VishalMalvi అనే ట్విటర్ హ్యాండిల్‌లో ఆ వీడియో షేర్ అయింది. వైరల్ అవుతున్న ఆ వీడియోను చూసిన నెటిజన్లు ఫన్నీ కామెంట్లు చేస్తున్నారు (Viral Video).

సాధారణంగా ఎవరైనా ఏసీ (AC)ని లోపలి వైపు, ఫ్యాన్ ఉండే అవుటర్ యూనిట్‌ను బయట బిగించుకుంటారు. అయితే ప్రస్తుతం వైరల్ అవుతున్న వీడియోలో రివర్స్‌లో ఉంది. వైరల్ అవుతున్న ఆ వీడియో ప్రకారం.. ఓ యువతి చలికి వణికిపోతూ చేతులను రద్దుకుంటోంది. ఆ సమయంలో కెమెరా మ్యాన్ వేరే వైపు చూపించాడు. అక్కడ కనిపిస్తున్న దుకాణంలో ఏసీ దుకాణం బయట ఉంది. ఆ ఏసీ నుంచి వస్తున్న కూలింగ్ వల్లనే చలి అంతలా పెరిగిపోతోందని ఫన్నీగా ఆ వీడియోలో చూపించారు. ఆ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది.

ఆ వైరల్ వీడియోను కొద్ది గంటల్లోనే 60 వేల మందికి పైగా వీక్షించారు. 12 వందల కంటే ఎక్కువ మంది ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``ఏయ్ అంకుల్, ఏసీ ఆఫ్ చేయండి, బాగా చలిగా ఉంది``, ``అతను లోపల ఒక అవుటర్ యూనిట్‌ను పెట్టుకుని వేడిని తీసుకుంటున్నాడేమో``, ``ఏసీని అలా ఇన్‌స్టాల్ చేయడానికి కారణమేంటి`` అంటూ నెటిజన్లు కామెంట్లు చేశారు.