Viral Video: వంటింటిలో కెమెరా.. అడ్డంగా దొరికిపోయిన రీనా..

ఇంట్లో ఒకరు, ఇద్దరు కాదు.. ఫ్యామిలీ ఫ్యామిలీ అనారోగ్యానికి గురవుతుంది. బయటకు వెళ్లడం లేదు. చిరు తిండ్లు తినడం లేదు. అయినా ఇంటిల్లిపాదిని అనారోగ్య సమస్యలు నిరంతరం వేధిస్తున్నాయి. దీంతో ఆసుపత్రికి వెళ్లితే.. వైద్య పరీక్షలతోపాటు మందులకు వేలాది రూపాయిలు నీళ్లలా ఖర్చవుతున్నాయి. ఇంట్లో వంట మనిషి రీనా‌ను ప్రశ్నిస్తే.. అంతా మంచిగానే వండుతున్నానని ఆమె సమాధానమిస్తుంది. ఎందుకు ఇలా జరుగుతుందో ఆ ఇంటిలో ఎవరికీ ఏ మాత్రం అర్థం కాలేదు. ఎక్కడో ఏదో జరుగుతుంది.

Also Read: Sajjala: నోటీసులపై స్పందిస్తూ.. జత్వానీ పేరు ఎత్తిన సజ్జల

కానీ అదేమిటో తెలియడం లేదని ఆ ఇంట్లోని వాళ్లంతా భావించారు. ఆ క్రమంలో తినే ఆహారంలోనే లోపముందని గ్రహించారు. అంతే వంటింట్లో సెల్ పోన్ కెమెరాను రహస్యంగా అమర్చారు. అంతే అసలు విషయం బహిర్గతమైంది. వంట మనిషి రీనా.. తన మూత్రాన్ని ఆహారం తయారీలో వినియోగిస్తుంది. వంటింటిలోనే తన మూత్రాన్ని ఆమె గిన్నెలోకి పట్టి.. వాటిని వండే ఆహారంలో ఉపయోగిస్తుంది.

Also Read: Chandra Mangal Yuti: మరికొద్ది రోజుల్లో ఈ మూడు రాశుల వారికి బంగారు యోగం..

ఈ దృశ్యాన్ని చూసి ఇంట్లోని వారంతా నిశ్చేష్టులయ్యారు. ఈ దారుణ ఘటన ఉత్తరప్రదేశ్‌లోని ఘజియాబాద్‌లో చోటు చేసుకుంది. దీంతో ఆ ఇంటి యజమాని వ్యాపారవేత్త రిపబ్లిక్ ఏరియా పోలీసులకు ఫిర్యాదు చేశారు. ఆ క్రమంలో రీనా వీడియోను పోలీసుల ఎదుట సాక్ష్యంగా చూపారు. దాంతో ఆమెను అరెస్ట్ చేశారు. ఇలా ఎందుకు చేశావంటూ ప్రశ్నిస్తే.. ఆమె మౌనంగా ఉండిపోయింది. దీంతో రికార్డు అయిన వీడియోను ఆమెకు పోలీసులు చూపించారు.

Also Read: Telangana: గుండు సున్నా చేసిన సీఎం రేవంత్ రెడ్డి

అనంతరం ఆమెపై వివిధ సెక్షన్ల కింద పోలీసులు కేసు నమోదు చేశారు. మరోవైపు రీనా వీడియోను సోషల్ మీడియాలో పోస్ట్ చేశారు. ఈ వీడియో వైరల్‌గా మరింది. ఇటువంటి పనిమనుషులతో చాలా అప్రమత్తంగా ఉండాలని ప్రజలకు పోలీసులు ఈ సందర్భంగా సూచిస్తున్నారు.

Also Read: మీ పాదాల వంపు మీ వ్యక్తిత్వం ఎలాంటిదో చెప్పేస్తుంది.. జస్ట్ ఓ సారి చెక్ చేసుకోండి..!

రీనా ఇలా చేసిందంటే.. తాము నమ్మలేక పోతున్నామని ఆ ఇంటి యజమాని వ్యాపారవేత్తతోపాటు అతడి కుటుంబ సభ్యులు పేర్కొంటున్నారు. గత 8 ఏళ్లుగా ఆమె తన ఇంట్లో వంట మనిషిగా పని చేస్తుందని వారు గుర్తు చేసుకున్నారు. దీంతో తమ కుటుంబ సభ్యుల్లో ఆమె ఒకరిగా తామంతా భావించామని వారు ఈ సందర్భంగా చెప్పారు.

అయితే ఇటీవల తమ ఇంట్లో ఆమె చోరీకి పాల్పడిందని తెలిపారు. నాటి నుంచి ఆమెతో తాము కొంత దూరంగా ఉంటున్నామని పేర్కొన్నారు. ఇక సోషల్ మీడియాలో వైరల్ అవుతున్న ఈ వీడియోపై నెటిజన్లు తమదైన శైలిలో స్పందిస్తున్నారు.

మరిన్ని ప్రత్యేక వార్తలు కోసం క్లిక్ చేయండి..