Ranji Trophy: బ్యాక్ టు బ్యాక్ హాఫ్ సెంచరీలతో చెలరేగిన సచిన్ కొడుకు
ABN, Publish Date - Jan 21 , 2024 | 01:19 PM
Arjun Tendulkar: రంజీ ట్రోఫి 2024లో భారత దిగ్గజ క్రికెటర్ సచిన్ టెండూల్కర్ కొడుకు అర్జున్ టెండూల్కర్ సత్తా చాటుతున్నాడు. ఈ సీజన్‌లో అర్జున్ ఇప్పటికే బ్యాక్ టు బ్యాక్ హాఫ్ సెంచరీలు సాధించాడు. ముఖ్యంగా కర్ణాటకతో మొదలైన మ్యాచ్‌లో జట్టును కష్టకాలంలో ఆదుకున్నాడు.
మైసూర్: రంజీ ట్రోఫి 2024లో భారత దిగ్గజ క్రికెటర్ సచిన్ టెండూల్కర్ కొడుకు అర్జున్ టెండూల్కర్ సత్తా చాటుతున్నాడు. ఈ సీజన్‌లో అర్జున్ ఇప్పటికే బ్యాక్ టు బ్యాక్ హాఫ్ సెంచరీలు సాధించాడు. ముఖ్యంగా కర్ణాటకతో మొదలైన మ్యాచ్‌లో జట్టును కష్టకాలంలో ఆదుకున్నాడు. ఈ మ్యాచ్‌లో అర్జున్ ప్రాతినిధ్యం వహిస్తున్న గోవా జట్టు 221 పరుగులకే 8 వికెట్లు కోల్పోయి కష్టాల్లో పడింది. ఇలాంటి సమయంలో 8వ స్థానంలో బ్యాటింగ్‌కు వచ్చిన అర్జున్, 10వ నంబర్ బ్యాటర్ హేరంబ్ పరాబ్‌తో కలిసి జట్టును ఆదుకున్నాడు. వీరిద్దరు 9వ వికెట్‌కు 93 పరుగులు జోడించారు. ఈ క్రమంలో ఇద్దరూ హాఫ్ సెంచరీలు సాధించారు. 250 పరుగుల లోపే ఆలౌట్ అవ్వాల్సిన జట్టు స్కోర్‌ను 300 దాటించారు.
హేరంబ్ పరాబ్ 53 పరుగులు చేశాడు. 3 ఫోర్లు, ఒక సిక్సర్‌తో అర్జున్ 52 పరుగులు చేశాడు. దీంతో మొదటి ఇన్నింగ్స్‌లో గోవా జట్టు 321 పరుగులు సాధించింది. ఛత్తీస్‌ఘడ్‌తో జరిగిన గత మ్యాచ్‌లోనూ అర్జున్ 70 పరుగులతో రాణించాడు. అయితే కెప్టెన్ మయాంక్ అగర్వాల్(114), దేవదత్ పడిక్కల్ (103) సెంచరీలతో చెలరేగడంతో మొదటి ఇన్నింగ్స్‌లో కర్ణాటక జట్టు పటిష్ట స్థితిలో ఉంది. ఇప్పటికే అధిక్యంలోకి వెళ్లిన ఆ జట్టు 98 ఓవర్లు ముగిసే సమయానికి 4 వికెట్ల నష్టానికి 396 పరుగులు చేసింది. క్రీజులో నికిన్ జోస్(73), శ్రీనివాస్ శరత్(48) ఉన్నారు. కాగా అర్జున్ గత సీజన్‌లోనే రంజీ క్రికెట్‌లోకి అరంగేట్రం చేశాడు. అలాగే ఆ సీజన్‌లో ఓ సెంచరీ కూడా సాధించాడు. ఈ సీజన్‌లో బ్యాటుతో సత్తా చాటుతున్న అర్జున్ బాల్‌తో మాత్రం అంతగా రాణించలేకపోతున్నాడు. 3 ఇన్నింగ్స్‌ల్లో 3 వికెట్లు మాత్రమే చేశాడు. గత సీజన్‌లోనే ఐపీఎల్‌లోకి కూడా అరగేంట్రం చేసిన అర్జున్ 4 మ్యాచ్‌లాడి 3 వికెట్లు తీశాడు.
మరిన్ని క్రీడా వార్తల కోసం ఇక్కడ క్లిక్ చేయండి.
Updated Date - Jan 21 , 2024 | 01:19 PM
