IPL Auction: రిషబ్, అయ్యర్ తోపులు.. రాహుల్‌కు నిరాశ

ఐపీఎల్ 2025 ఆక్షన్‌‌లో ఊహించిందే జరిగింది. టీమిండియా స్టార్ బ్యాటర్లు రిషబ్ పంత్, శ్రేయస్ అయ్యర్ హైలైట్‌గా నిలిచారు. వీళ్లిద్దరూ రికార్డుల పంట పండించాడు. ఐపీఎల్ వేలం చరిత్రలో అత్యధిక ధర పలికిన ఆటగాళ్లుగా చరిత్ర సృష్టించారు. పంత్‌ను రూ.27 కోట్ల భారీ ధరకు లక్నో సూపర్ జియాంట్స్ ఫ్రాంచైజీ సొంతం చేసుకుంది. అయ్యర్‌ను రూ.26.75 కోట్లు చెల్లించి పంజాబ్ కింగ్స్ కొనుక్కుంది. లెఫ్ట్ ఆర్మ్ పేసర్ అర్ష్‌దీప్ సింగ్, స్పిన్నర్ యుజ్వేంద్ర చాహల్ ఈసారి స్పెషల్ హైలైట్‌గా నిలిచారు. రూ.18 కోట్ల అర్ష్‌దీప్‌ను ఆర్టీఎం కార్డు ద్వారా పంజాబ్ తీసుకుంది. అంతే ధరకు చాహల్‌ను అదే జట్టు సొంతం చేసుకుంది. ఆక్షన్‌లో కేఎల్ రాహుల్‌కు నిరాశ మిగిలింది అతడ్ని రూ.14 కోట్లకు ఢిల్లీ దక్కించుకుంది. కనీసం రూ.25 కోట్ల వరకు వస్తాడనుకుంటే చాలా తక్కువ ధరకు అతడు అమ్ముడుపోయాడు. రబాడ (రూ.10.75 కోట్లు)ను గుజరాత్ టైటాన్స్, మహ్మద్ షమి (రూ.10 కోట్లు) సన్‌రైజర్స్ హైదరాబాద్, లియామ్ లివింగ్‌స్టన్ (రూ.8.75 కోట్లు)ను రాయల్ ఛాలెంజర్స్ బెంగళూరు, డేవిడ్ మిల్లర్ (రూ.7.5 కోట్లు) లక్నో సూపర్ జియాంట్స్ సొంతం చేసుకుంది.

రేపు కూడా ఆక్షన్

రేపు కూడా ఐపీఎల్ ఆక్షన్ జరగనుంది. కీలక ఆటగాళ్లను ఈ రోజే జట్టు సొంతం చేసుకున్నాయి. బౌలర్, బ్యాట్స్ మెన్, స్పిన్నర్, ఆల్ రౌండర్ అనే అంశాల వారీగా జట్టు క్రికెటర్లను కొనుగోలు చేసింది. ఈ రోజు కొనుగోలులో రిషబ్ పంత్ టాప్‌లో నిలిచాడు. రూ.27 కోట్ల ధర పలికాడు. వాస్తవానికి పంత్ రూ.30 కోట్ల నుంచి రూ.40 కోట్ల ధర పలుకుతారని అంతా ఆశించారు.

Also Read:

ఐపీఎల్ ఆక్షన్‌లో కేఎల్ రాహుల్‌కు నిరాశ.. మరీ ఇంత దారుణమా?

అభిమానులకు సర్‌ప్రైజ్.. సీక్రెట్‌గా ఆస్ట్రేలియాలో అడుగుపెట్టిన స్టార్ ప్లేయర్

For More Sports And Telugu News