India vs New Zealand: నేటి భారత్-న్యూజిలాండ్ టెస్ట్ మ్యాచ్ కీలక అప్‌డేట్..

భారత్(team india)-న్యూజిలాండ్(New Zealand) జట్ల మధ్య బెంగళూరు వేదికగా జరగాల్సిన తొలిటెస్టు వర్షం కారణంగా రద్దయింది. బెంగళూరులో గత 24 గంటలుగా ఎడతెరిపి లేకుండా వర్షం కురుస్తోంది. దీంతో భారీ వర్షం కారణంగా ఇరు జట్ల కెప్టెన్లు టాస్ కోసం ఫీల్డ్‌కి కూడా రాలేకపోయారు. ఉదయం నుంచి ఎం చిన్నస్వామి క్రికెట్ స్టేడియం మైదానం మొత్తం నీటితో నిండిపోయింది. వర్షం కారణంగా ఆటగాళ్లు ప్రాక్టీస్‌కు కూడా మైదానంలోకి రాలేకపోయారు.

ఇలాంటి పరిస్థితుల్లో ఆటగాళ్లు ఇండోర్‌ ప్రాక్టీస్‌లో పాల్గొన్నారు. దీని తర్వాత వంబర్ చివరిలో భారత్ ఆస్ట్రేలియాలో పర్యటించాల్సి ఉంది. అక్కడ ఐదు మ్యాచ్‌ల బోర్డర్-గవాస్కర్ టెస్ట్ సిరీస్‌లో పాల్గొననున్నారు. ఆస్ట్రేలియా గడ్డపై కఠినమైన సవాలుకు ముందు భారత జట్టు తన బలాన్ని పరీక్షించాలనుకుంటోంది.

అంపైర్ నిర్ణయం

కానీ చిన్నస్వామిలో తొలి సెషన్ వరకు ఎడతెరిపి లేకుండా వర్షం కురిసింది. అయితే టీ విరామానికి ముందు వర్షం ఆగడంతో అంపైర్ కూడా మైదానాన్ని పరిశీలించారు. గ్రౌండ్ స్టాఫ్ కూడా మైదానం నుంచి కవర్ తొలగించారు. కానీ టీ విరామ సమయంలో మళ్లీ భారీ వర్షం మొదలైంది. దీంతో మొదటి రోజు ఆటను రద్దు చేస్తూ అంపైర్ నిర్ణయం తీసుకున్నారు. భారత కాలమానం ప్రకారం ఉదయం 9 గంటలకు టాస్‌ జరగాల్సి ఉంది. ఉదయం 9.30 గంటలకు మ్యాచ్ ప్రారంభం కావాల్సి ఉంది. న్యూజిలాండ్ చివరిసారిగా 1988లో భారత్‌లో టెస్టు గెలిచింది.

ప్రేక్షకుల నిరాశ

స్టార్ బ్యాట్స్‌మెన్ విరాట్ కోహ్లీ, ఓపెనింగ్ బ్యాట్స్‌మెన్ యశస్వి జైస్వాల్ ఇండోర్ ప్రాక్టీస్ చేయడం చూసి ప్రేక్షకులు థ్రిల్ అయ్యారు. అదే సమయంలో బెంగళూరులో ఎడతెరిపి లేకుండా వర్షం కురుస్తున్నప్పటికీ పిచ్‌పై ఉన్న అవుట్‌ఫీల్డ్ కవర్, మొదటి పొరను తనిఖీ కోసం తొలగించడంతో ప్రేక్షకులు సంతోషం వ్యక్తం చేశారు. కానీ వర్షం తగ్గకపోవడంతో మ్యాచ్ రద్దు చేశారు. దీంతో ఆటలో కనీసం ఒక్క సెషన్ అయినా వీక్షించగలమని ఆశాభావం వ్యక్తం చేసిన ప్రేక్షకులకు మాత్రం నిరాశ ఎదురైంది. వర్షం ఎంతసేపటికీ తగ్గకపోవడంతో స్టేడియంలో మ్యాచ్ చూసేందుకు వచ్చిన అభిమానులు నిరాశ వ్యక్తం చేశారు.

తర్వాత కూడా..

బెంగళూరు వాతావరణ నివేదిక ప్రకారం వచ్చే 5 నుంచి 6 రోజుల పాటు బెంగళూరులో భారీ వర్షాలు కురిసే అవకాశం ఉంది. ఇలాంటి పరిస్థితుల్లో భారత్-న్యూజిలాండ్ మధ్య జరుగుతున్న తొలి టెస్టు మ్యాచ్‌కు వర్షం ముప్పు పొంచి ఉంది. భారీ వర్షం కారణంగా బెంగళూరులో హై అలర్ట్ ప్రకటించారు. పాఠశాలలు, కళాశాలలు మూసివేయబడ్డాయి. కొన్ని చోట్ల వారి వాహనాలు కొట్టుకుపోకుండా ఫ్లైఓవర్‌పై తమ వాహనాలను పార్క్ చేశారు.

ఇవి కూడా చదవండి:

Online Shopping Tips: పండుగల సీజన్‌లో ఆన్‌లైన్‌ షాపింగ్ చేస్తున్నారా.. ఈ జాగ్రత్తలు తప్పనిసరి

SIP Investment: చిరు ఉద్యోగస్తులకు గుడ్‌ న్యూస్.. రూ.99 నుంచే మ్యూచువల్ ఫండ్ పెట్టుబడులు

IRCTC: నవరాత్రుల సందర్భంగా స్పెషల్ టూర్ ప్యాకేజీ.. తక్కువ ధరల్లో సందర్శించండి

Read More Sports News and Latest Telugu News