Navaneet Kour: మీకైతే 15 నిమిషాలు.. మాకు 15 సెకన్లు చాలు
ABN, Publish Date - May 10 , 2024 | 06:14 AM
తెలంగాణలో లోక్‌సభ ఎన్నికలకు సమయం దగ్గరపడుతుండటంతో రాజకీయ పార్టీల నేతల మధ్య మాటల యుద్ధం ముదురుతోంది. రెచ్చగొట్టే సవాళ్లు, ప్రతి సవాళ్లతో ఎన్నికల వాతావరణం వేడెక్కుతోంది. పార్లమెంట్‌ ఎన్నికల ప్రచారంలో భాగంగా హైదరాబాద్‌ వచ్చిన బీజేపీ నాయకురాలు నవనీత్‌కౌర్‌ ఒవైసీ సోదరులపై సంచలన వ్యాఖ్యలు చేశారు.
ఒవైసీ సోదరుల మైండ్‌ బ్లాంక్‌ చేస్తాం
నవనీత్‌ కౌర్‌ సంచలన వ్యాఖ్యలు
హైదరాబాద్‌ సిటీ/సంతో్‌షనగర్‌, మే 9 (ఆంధ్రజ్యోతి): తెలంగాణలో లోక్‌సభ ఎన్నికలకు సమయం దగ్గరపడుతుండటంతో రాజకీయ పార్టీల నేతల మధ్య మాటల యుద్ధం ముదురుతోంది. రెచ్చగొట్టే సవాళ్లు, ప్రతి సవాళ్లతో ఎన్నికల వాతావరణం వేడెక్కుతోంది. పార్లమెంట్‌ ఎన్నికల ప్రచారంలో భాగంగా హైదరాబాద్‌ వచ్చిన బీజేపీ నాయకురాలు నవనీత్‌కౌర్‌ ఒవైసీ సోదరులపై సంచలన వ్యాఖ్యలు చేశారు. గతంలో అక్బరుద్దీన్‌ చేసిన వివాదాస్పద వ్యాఖ్యలకు ఆమె కౌంటర్‌ ఇచ్చారు.
‘‘గతంలో ఛోటేమియా(అక్బరుద్దీన్‌) 15 నిమిషాలు పోలీసులు లేకుంటే తామేంటో చూపిస్తామని అన్నారు. మీకైతే 15 నిమిషాలు.. మాకు 15 సెకన్లు చాలు. ఒవైసీ బ్రదర్స్‌ ఎక్కడ నుంచి వచ్చారో.. ఎక్కడికి వెళ్లారో కూడా తెలియకుండా చేస్తాం’’ అని అన్నారు. బుధవారం చంపాపేటలోని లక్ష్మీగార్డెన్స్‌లో బీజేవైఎం ఆధ్వర్యంలో నిర్వహించిన యువ సమ్మేళనంలో నవనీత్‌కౌర్‌ మాట్లాడారు. హైదరాబాద్‌ పాతబస్తీ మరో పాకిస్తాన్‌లా మారకుండా ఆపాలంటే మాధవీలతను భారీ మెజారిటీతో గెలుపించుకోవాలన్నారు.
Updated Date - May 10 , 2024 | 06:14 AM
