CM Revanth Reddy: ముంబైలో రేవంత్‌ రోడ్‌షో
ABN, Publish Date - Nov 14 , 2024 | 05:26 AM
శివసేన (యూబీటీ) అభ్యర్థి ఆదిత్య ఠాక్రేకు మద్దతుగా తెలంగాణ ముఖ్యమంత్రి రేవంత్‌రెడ్డి బుధవారం ముంబైలోని వర్లీలో రోడ్‌షో నిర్వహించారు.
ఆదిత్య ఠాక్రేకు మద్దతుగా ప్రచారం
ఘనస్వాగతం పలికిన మహారాష్ట్ర ప్రజలు
హైదరాబాద్‌, నవంబరు 13 ( ఆంధ్రజ్యోతి): శివసేన (యూబీటీ) అభ్యర్థి ఆదిత్య ఠాక్రేకు మద్దతుగా తెలంగాణ ముఖ్యమంత్రి రేవంత్‌రెడ్డి బుధవారం ముంబైలోని వర్లీలో రోడ్‌షో నిర్వహించారు. మహారాష్ట్ర శాసనసభ ఎన్నికల ప్రచారంలో కాంగ్రెస్‌ స్టార్‌ క్యాంపెయినర్‌గా పాల్గొంటున్న రేవంత్‌కు దారి పొడవునా ఫ్లెక్లీలు ఏర్పాటు చేసి అక్కడి ప్రజలు ఘన స్వాగతం పలికారు.
రోడ్‌ షోకు ముందు రేవంత్‌ ముంబైలోని తిరుపతి బాలాజీ ఆలయంలో పూజలు చేశారు. రోడ్‌ షోలో ముఖ్యమంత్రి రేవంత్‌ రెడ్డితో పాటు శివసేన (యూబీటీ) అభ్యర్థి ఆదిత్య ఠాక్రే, ముంబై నగర కాంగ్రెస్‌ అధ్యక్షురాలు వర్ష గైక్వాడ్‌ పాల్గొన్నారు.
Updated Date - Nov 14 , 2024 | 05:26 AM
