Hyderabad: నగరం.. సగం అంధకారం
ABN, Publish Date - May 08 , 2024 | 09:18 AM
భారీ వర్షానికి సగం నగరం అంధకారంగా మారింది. పలు ప్రాంతాల్లో 7 నుంచి 8 గంటలు విద్యుత్‌ సరఫరా నిలిచిపోయింది. ఫోన్లు స్విచాఫ్‌ కావడంతో పాటు ఇంటర్‌నెట్‌(Internet) వ్యవస్థ పని చేయకపోవడంతో కొన్ని ప్రాంతాల్లో సంబంధాలు తెగిపోయాయి.
- వర్షానికి విద్యుత్‌ వ్యవస్థ అతలాకుతలం
- పలు ప్రాంతాల్లో 7 గంటలు నిలిచిన సరఫరా
హైదరాబాద్‌ సిటీ: భారీ వర్షానికి సగం నగరం అంధకారంగా మారింది. పలు ప్రాంతాల్లో 7 నుంచి 8 గంటలు విద్యుత్‌ సరఫరా నిలిచిపోయింది. ఫోన్లు స్విచాఫ్‌ కావడంతో పాటు ఇంటర్‌నెట్‌(Internet) వ్యవస్థ పని చేయకపోవడంతో కొన్ని ప్రాంతాల్లో సంబంధాలు తెగిపోయాయి. సాయంత్రం 5 గంటలకు నిలిచిన విద్యుత్‌సరఫరా రాత్రి 11 అయినా పునరుద్ధరించలేదు.
ఇదికూడా చదవండి: KCR: అసమర్థులు రాజ్యమేలుతున్నారు..
ఈ ప్రాంతాల్లో చీకట్లు
కూకట్‌పల్లి బాలాజీనగర్‌, కేపీహెచ్‌బీ కాలనీ, కుత్బుల్లాపూర్‌, మియాపూర్‌, శేరిలింగంపల్లి(Kuthbullapur, Miyapur, Serilingampally), ఎల్లారెడ్డి, యూసుఫ్గూడ గణపతి కాంప్లెక్స్‌, ఎస్‌ఆర్‌నగర్‌ బీకేగూడ, కొత్తపేట, న్యూ నాగోల్‌, బంజారాహిల్స్‌, అత్తాపూర్‌ ప్రాంతాల్లో గంటల కొద్దీ విద్యుత్‌సరఫరా నిలిచిపోయింది. ఆ ప్రాంతాలు చీకట్లో మగ్గాయి. సరూర్‌నగర్‌, హబ్సిగూడ(Sarurnagar, Habsiguda) ప్రాంతాల్లో ఈదురుగాలులకు విద్యుత్‌తీగలపై బ్యానర్లు తెగిపడటంతో కొద్దిసేపు కరెంట్‌ నిలిచిపోయింది. కొల్లూర్‌ గేటు వద్ద నార్సింగ్‌ ఫీడర్‌ 33 కేవీ విద్యుత్‌వైర్లు తెగి రోడ్డుపై పడ్డాయి. ఈదురు గాలులకు హైదర్‌గూడలో విద్యుత్‌ స్తంభం విరిగిపోయింది. రోడ్‌ నంబర్‌ 12 బంజారాహిల్స్‌ సబ్‌స్టేషన్‌లో పవర్‌ ట్రాన్స్‌ఫార్మర్‌పై చెట్టు విరిగిపడింది. మంగళవారం నుంచి భారీవర్షాలు కురిసే అవకాశముందని వాతావరణశాఖ ముందస్తు హెచ్చరికలు జారీ చేసినా.. దానికి తగినట్లు దక్షిణ తెలంగాణ విద్యుత్‌ పంపిణీ సంస్థ ముందస్తు చర్యలు తీసుకోలేదని విమర్శలు వ్యక్తమవుతున్నాయి. గంటపాటు కురిసిన వర్షానికి పలు ప్రాంతాల్లో 6-7 గంటలు విద్యుత్‌సరఫరా నిలిచిపోవడంపై స్థానికులు ఆగ్రహం వ్యక్తం చేస్తున్నారు. ఫ్యూజ్‌ ఆఫ్‌ కాల్‌ సెంటర్లు, స్థానిక విద్యుత్‌ అధికారులకు ఫోన్లు చేసినా స్పందించలేని పలువురు ఆరోపించారు. 1912 టోల్‌ఫ్రీ నంబర్‌కు వేల సంఖ్యలో ఫిర్యాదులు వెల్లువెత్తాయి.
ఇదికూడా చదవండి: KC Venugopal: గట్టిగా పనిచేయండి.. నిర్లక్ష్యం వద్దు
ప్రహరీ కూలి.. నలుగురికి గాయాలు
దుండిగల్‌: భారీ వర్షానికి బాచుపల్లి రేణుక ఎల్లమ్మకాలనీలో నిర్మాణంలో ఉన్న ఓ భవనం ప్రహారీగోడ కూలి నలుగురు వ్యక్తులు తీవ్రంగా గాయపడ్డారు. మంగళవారం రాత్రి కురిసిన వర్షానికి ప్రహారీగోడ కూలి మట్టిపెల్లలు పడటంతో స్థానికంగా పక్కనే ఉన్న నలుగురు గాయపడ్డారు. గాయాలకు గురైన వారిని స్థానిక ఓ ప్రైవేట్‌ ఆస్పత్రికి తరలించి చికిత్స అందిస్తున్నారు.
ఇదికూడా చదవండి: Liquor Scam: కవిత కస్టడీ పొడిగింపు..
Read Latest Telangana News and National News
Read Latest National News and Telugu News
Updated Date - May 08 , 2024 | 09:18 AM
