Hyderabad: ఈ పోలీస్‏స్టేషన్ వెరీ హాట్‌.. సెటిల్‌మెంట్లకు కేరాఫ్‌ మంగళ్‌హాట్‌ పీఎస్

- గంజాయి స్మగ్లర్లు, రౌడీషీటర్లకు అండగా ఖాకీలు

- ఒకే రోజు ఐదుగురు కానిస్టేబుళ్లపై సీపీ వేటు

- గతంలో ఓ ఎస్‌ఐ, ఆరుగురు కానిస్టేబుళ్లపై సస్పెన్షన్‌

హైదరాబాద్‌ సిటీ: మంగళ్‌హాట్‌ పోలీస్‏స్టేషన్‌ మరోసారి హాట్‌టాపిక్‌గా మారింది. సిటీ కమిషనర్‌ కొత్తకోట శ్రీనివాస్‏రెడ్డి(City Commissioner Kottakota Srinivas Reddy) ఒకేరోజు ఐదుగురు కానిస్టేబుళ్లపై వేటువేయడం పోలీసువర్గాల్లో చర్చనీయాంశమైంది. గంజాయి స్మగ్లర్లు, రౌడీషీటర్లు, నేరస్థులకు కొమ్ముకాస్తున్నట్లు విచారణలో తేలడంతో ముగ్గురు కానిస్టేబుళ్లు మహేందర్‌ యాదవ్‌, తిలక్‌రాజ్‌, శ్రావణ్‌ను సస్పెండ్‌ చేశారు. మరో ఇద్దరు కానిస్టేబుళ్లు నరేందర్‌, శ్రీనివాస్‏ను ప్రధాన కార్యాలయానికి అటాచ్‌ చేస్తూ మంగళవారం ఉత్తర్వులు జారీ చేశారు. మంగళ్‌హాట్‌ స్టేషన్‌లో గతంలో ఓ ఇన్‌స్పెక్టర్‌, అడిషనల్‌ ఇన్‌స్పెక్టర్‌, ఎస్సై సహా ఆరుగురు కానిస్టేబుళ్లు సస్పెండ్‌ కాగా, తాజాగా మరో ఐదుగురిపై వేటుపడింది.

ఇదికూడా చదవండి: Hyderabad: ఎమ్మెల్యే రాజాసింగ్‌ను చంపేస్తానని బెదిరించిన సైబర్‌ నేరగాడి అరెస్ట్‌

వేటు పడినా... రూటు మారలేదు..

అక్రమార్కులతో చెట్టాపట్టాలేసుకొని తిరిగే వారిపై వేటు వేస్తున్నా వారు రూటు మార్చుకోవడం లేదనే ఆరోపణలు ఉన్నాయి. గంజాయి సరఫరాదారులు, క్రికెట్‌ బెట్టింగ్‌, సట్టా నిర్వాహకులు, బెల్ట్‌షాప్‌ నిర్వాహకులు ధూల్‌పేట్‌లో రోజూ కోట్ల రూపాయల దందా సాగిస్తున్నారు. హవాలా డబ్బును తరలించడంలో కొందరు పోలీస్‌ అధికారుల అండదండలు ఉన్నట్లు ఆ శాఖలోనే చర్చ సాగుతోంది. గతంలో మంగళ్‌హాట్‌ పోలీస్ స్టేషన్‌లో మామూళ్లు వసూలు చేసిన ఓ కానిస్టేబుల్‌ జూబ్లీహిల్స్‌ స్టేషన్‌కు బదిలీ అయ్యారు. అతడిని ఇతర విభాగంలో పనిచేస్తున్నట్లు చూపించి మంగళ్‌హాట్‌కు పంపించి అతడి ద్వారానే మామూళ్లు వసూలు చేస్తున్నట్లు ఆరోపణలు వచ్చాయి. విచారణ చేపట్టిన ఉన్నతాధికారులు అక్రమాలు నిజమేనని తేల్చారు. గతంలో గంజాయి స్మగ్లర్ల నుంచి పెద్దమొత్తంలో వసూలు చేసిన మంగళ్‌హాట్‌ ఇన్‌స్పెక్టర్‌ రణ్‌వీర్‌ రెడ్డిని, గంజాయి సరఫరాదారులతో బర్త్‌డే పార్టీలు చేసుకున్న డీఐ మహేందర్‌రెడ్డిని గత నెలలో సస్పెండ్‌ చేశారు.

ఇదికూడా చదవండి: Hyderabad: మీపై ఫెమా కేసు.. అరెస్ట్‌ తప్పదంటూ బెదిరింపులు

Read Latest Telangana News and National News

Read Latest AP News and Telugu News