Unstoppable Season 4: సారూ.. మాకు సెలవు ఇవ్వండి.. ఎందుకంటే

రాత్రి 8.30 ఎప్పుడవుతుందా అని చంద్రబాబు- బాలకృష్ణ అభిమానులు ఎదురుచూస్తున్నారు. ఓటీటీ ఫ్లాట్ ఫామ్ ఆహాలో ఈ రోజు రాత్రి ఆన్‌స్టాపబుల్ సీజన్-4 ఫస్ట్ ఎపిసోడ్ స్ట్రీమింగ్ అవనుంది. తొలి ఎపిసోడ్ ఏపీ సీఎం చంద్రబాబు నాయుడుతో చేశారు బాలయ్య. ఇప్పటికే విడుదల చేసిన ప్రోమోతో సీజన్‌కు మరింత హైప్ వచ్చింది. ఆహాలో ఎపిసోడ్ చూసేందుకు ఫ్యాన్స్ అతృతగా ఎదురుచూస్తున్నారు.

బాలయ్య పండగ

ఆన్‌స్టాపబుల్ సీజన్-4 గురించి ఆహా ఇప్పటికే ప్రచారం చేసింది. ఇది బాలయ్య పండుగ పేరుతో ప్రమోట్ చేసింది. అందులో ఫస్ట్ ఎపిసోడ్‌కు ఏపీ సీఎం చంద్రబాబు వస్తోండటం ప్రాధాన్యం సంతరించుకుంది. దాంతో కొందరు ఈ రోజు సెలవు కావాలని కోరుతున్నారు. బాలయ్య పండుగ మొదలయ్యే ఈ రోజు సెలవు ఇవ్వాలని ఫ్ల కార్డు ప్రదర్శించారు. హైటెక్ సిటీ వద్ద కొందరు ఫ్ల కార్డులు పట్టుకొని కనిపించారు. ఆ ఫొటోలను సోషల్ మీడియాలో షేర్ చేశారు. ఇంకేముంది తెగ వైరల్ అవుతున్నాయి.

అమ్మాయిలు కూడా

పయనీర్స్ టవర్స్ వద్ద ఓ యువతి ఫ్ల కార్డు పట్టుకోగా.. నాలెడ్జ్ సిటీ ఎదురుగా నిల్చొని ఒకతను ప్ల కార్డు పట్టుకొని కనిపించారు. నలుగురు ప్ల కార్డులు పట్టుకొని ఈ రోజు తమకు సెలవు ఇవ్వాలని కోరారు. డే షిప్ట్ వారికి ఇబ్బంది ఉండదు. నైట్ షిప్ట్ చేసే వారు బాలయ్య- బాబు ఎపిసోడ్ చూడటం వీలు పడదు. అందుకే కాబోలు, సెలవు కావాలని కోరుతున్నారు.

ప్రోమో ఇలా

ఫస్ట్ ఎపిసోడ్‌ను ఏపీ సీఎం చంద్రబాబుతో నటసింహం బాలకృష్ణ చేశారు. జగన్ హయాంలో అరెస్ట్ చేయడం గురించి చర్చ జరిగింది. ‘ఇక మొదలుపెడదామా.. దేశ రాజకీయ చరిత్రలో ఎరుగని విజయాన్ని అందుకున్న చాణక్యుడు, మన ఆంధ్రప్రదేశ్ ముఖ్యమంత్రి వర్యులు, మా బావగారూ.. మీ బాబు గారూ.. నారా చంద్రబాబు నాయుడు గారూ అని’ చంద్రబాబు నాయుడుకు బాలకృష్ణ గ్రాండ్ వెల్ కం అని చెప్పడంతో ప్రోమో మొదలవుతోంది. ఇంటర్వ్యూకు సంబంధించి కొన్ని క్లిప్సింగ్స్ వదిలారు. అందులో జైలులో బాబు ఉండటం, పవన్ కల్యాణ్ కలవడం.. ఏపీ రాజకీయ ముఖ చరిత్రను మార్చిన మీటింగ్ అని బాలకృష్ణ అన్నారు.

మరిన్ని తెలంగాణ వార్తల కోసం