Khammam: ‘స్థానిక’ ప్రజాప్రతినిధులకు పింఛన్‌ ఇవ్వాలి
ABN, Publish Date - Nov 11 , 2024 | 04:41 AM
ఎమ్మెల్యేలు, ఎంపీల పదవీకాలం ముగిసిన తర్వాత ప్రభుత్వాలు వారికి కల్పిస్తున్నట్లే స్థానిక ప్రజాప్రతినిధులకు పింఛన్‌ సౌకర్యాన్ని కల్పించాలని జాతీయ పంచాయతీరాజ్‌ చాంబర్‌ రెండు రాష్ట్రాల సంయుక్త సమావేశం డిమాండ్‌ చేసింది.
జాతీయ పంచాయతీరాజ్‌ చాంబర్‌ డిమాండ్‌
చాంబర్‌ జాతీయ అధ్యక్షుడిగా రాజేంద్రప్రసాద్‌
ఖమ్మం కలెక్టరేట్‌, నవంబరు 10 (ఆంధ్రజ్యోతి): ఎమ్మెల్యేలు, ఎంపీల పదవీకాలం ముగిసిన తర్వాత ప్రభుత్వాలు వారికి కల్పిస్తున్నట్లే స్థానిక ప్రజాప్రతినిధులకు పింఛన్‌ సౌకర్యాన్ని కల్పించాలని జాతీయ పంచాయతీరాజ్‌ చాంబర్‌ రెండు రాష్ట్రాల సంయుక్త సమావేశం డిమాండ్‌ చేసింది. ఖమ్మంలో జరుగుతున్న చాంబర్‌ సంయుక్త సమావేశాలు ఆదివారం ము గిశాయి. ఈ సమావేశంలో చాంబర్‌ జాతీయ అధ్యక్షుడిగా యలమంచిలి బాబూ రాజేంద్రప్రసాద్‌ (ఏపీ), జాతీయ ప్రధాన కార్యదర్శిగా, పుసులూ రి నరేందర్‌ (తెలంగాణ), జాతీయ ఉపాధ్యక్షుడిగా చింపుల సత్యనారాయణరెడ్డి, ఇతర కమిటీ సభ్యులను ఏకగ్రీవంగా ఎన్నుకున్నారు.
ఈ సందర్భంగా సమావేశంలో పలు తీర్మానాలు చేశారు. తెలంగాణ, ఏపీ రాష్ట్రాల్లో గత సర్పంచులు చేసిన గ్రామాభివృద్థి పనులకు బిల్లులు రాక ఆత్మహత్యలకు పాల్పడుతున్నారని, తక్షణమే ఆ బిల్లులను చెల్లంచాలని తెలంగాణ, ఏపీ ప్రభుత్వాలకు విజ్ఞప్తి చేశారు. స్థానిక సంస్థల ఎమ్మెల్సీ ఎన్నికల్లో సర్చంచులకూ ఓటు హక్కు కల్పించాలని తీర్మానించారు.
Updated Date - Nov 11 , 2024 | 04:41 AM
