Tummala : మరో 6 మార్కెట్‌ కమిటీలకు పాలకవర్గాలు
ABN, Publish Date - Sep 22 , 2024 | 03:29 AM
రాష్ట్రంలో మరో 6 వ్యవసాయ మార్కెట్‌ కమిటీలకు ప్రభుత్వం నూతన పాలకవర్గాలను నియమించింది.
కొత్త చైర్మన్‌, సభ్యులకు మంత్రి తుమ్మల శుభాకాంక్షలు
హైదరాబాద్‌, సెప్టెంబరు 21 (ఆంధ్రజ్యోతి) : రాష్ట్రంలో మరో 6 వ్యవసాయ మార్కెట్‌ కమిటీలకు ప్రభుత్వం నూతన పాలకవర్గాలను నియమించింది. ఈమేరకు వ్యవసాయ శాఖ శనివారం ఉత్తర్వులు జారీ చేసింది. ప్రస్తుత కమిటీలతో కలిపి ఇప్పటి వరకు రాష్ట్ర వ్యాప్తంగా 70 వ్యవసాయ మార్కెట్‌ కమిటీలకు నూతన పాలకవర్గాలను ప్రభుత్వం నియమించింది.
నూతనంగా నియమితులైన పాలకవర్గాల చైర్మన్లు, సభ్యులకు మంత్రి తుమ్మల నాగేశ్వరరావు శుభాకాంక్షలు తెలిపారు. మిగిలిన కమిటీలను త్వరలోనే నియమిస్తామన్నారు. కాగా నూతనంగా నియమితులైన గడ్డి అన్నారం మార్కెట్‌ కమిటీ చైర్మన్‌, వైస్‌ చైర్మన్‌, పాలకవర్గ సభ్యులు తుమ్మలను మర్యాదపూర్వకంగా కలిశారు.
Updated Date - Sep 22 , 2024 | 03:29 AM
