YCP Corporators: విశాఖలో వైసీపీకి మరో గట్టి దెబ్బ
ABN , Publish Date - Apr 14 , 2025 | 09:56 PM
YCP Corporators: మరికొద్ది రోజుల్లో వైసీపీ నేత, విశాఖపట్నం నగర మేయర్ గొలగాని హరి వెంకట కుమారిపై అవిశ్వాస తీర్మానం పెట్టనున్నారు. అలాంటి వేళ.. ఇద్దరు వైసీపీ కార్పొరేటర్లు .. ఆ పార్టీకి రాజీనామా చేశారు. దీంతో ఆ పార్టీ నేతల్లో ఓ విధమైన నైరాశ్యం నెలకొంది.
విశాఖపట్నం, ఏప్రిల్ 14: విశాఖపట్నంలో తాజాగా వైసీపీకి గట్టి ఎదురు దెబ్బ తగిలింది. వైసీపీకి చెందిన ఇద్దరు కార్పొరేటర్లు.. ఆ పార్టీకి సోమవారం రాజీనామా చేశారు. ఆ పార్టీ సీనియర్ నేత బెహరా భాస్కర్ రావుతోపాటు 91వ వార్డు కార్పొరేటర్ జోత్స్న, 92వ వార్డు కార్పొరేటర్ బెహరా వెంకట స్వర్ణలత శివ దేవ రాజీనామా చేశారు. అయితే వీరు మరికొద్ది రోజుల్లో జనసేన పార్టీలో చేరనున్నారు. అందుకు ముహూర్తం సైతం ఖరారు అయినట్లు తెలుస్తోంది. జనసేన పార్టీ అధినేత, డిప్యూటీ సీఎం పవన్ కల్యాణ్ సమక్షంలో వీరు ఆ పార్టీ కండువా కప్పుకోనున్నట్లు సమాచారం.
మరోవైపు విశాఖపట్నం మున్సిపల్ కార్పొరేషన్ రాజకీయ రసవత్తరంగా మారాయి. వైసీపీ నేత, నగర మేయర్ గొలగాని హరి వెంకట కుమారిపై అవిశ్వాస తీర్మానానికి సంబంధించి నోటీసు జారీ చేసే నేపధ్యంలో ఇద్దరు వైసీపీకి కార్పొరేటర్లు రాజీనామా చేయడం ఆ పార్టీ నేతలో ఒకింత విస్మయం వ్యక్తమవుతోంది. అదీకాక ఈ అవిశ్వాస తీర్మానంపై ఏప్రిల్ 19వ తేదీన జీవీఎంసీ కౌన్సిల్ ప్రత్యేకంగా సమావేశం కానుంది.
ఇంకోవైపు ఇటీవల 74వ డివిజన్ కార్పొరేటర్ వంశీ రెడ్డి సైతం వైసీపీని వీడారు. ఆయన కూడా జనసేన గూటికి చేరతారని తెలుస్తోంది. మేయర్‌పై అవిశ్వాసం పెట్టేందుకు సమయం సమీపిస్తున్న తరుణంలో.. ఇలా ఒక్కొక్కరు వైసీపీని వీడిడం పట్ల ఆ పార్టీ నేతల్లో ఒకింత ఆందోళన రేకెత్తుతోంది. అదీకాక.. మేయర్‌పై అవిశ్వాసం పెట్టేందుకు సిద్దమవుతోన్న తరుణంలో.. తమ కార్పొరేటర్లను రక్షించుకునేందుకు వైసీపీ సిద్దమైన సంగతి తెలిసిందే. అందులో భాగంగా క్యాంప్ రాజకీయాలకు తెర తీసింది. ఆ క్రమంలో పలువురు కార్పొరేటర్లను విదేశాలకు వైసీపీ తరలించిన సంగతి తెలిసిందే. కార్పొరేటర్లు గురించి ఇంత శ్రద్ధ తీసుకున్నా.. ఒకొక్కరిగా ఇలా జారీపోవడం పట్ల జిల్లా వైసీపీ నేతల్లో ఒకంత డీలాపడ్డతోన్న పరిస్థితులు నెలకొంటున్నాయి.
ఈ వార్తలు కూడా చదవండి..
Sports city: స్పోర్ట్స్ సిటీ ఏర్పాటు.. భూములు పరిశీలించిన మంత్రి నారాయణ
Bhu Bharati: భూ భారతిని ప్రారంభించిన సీఎం రేవంత్ రెడ్డి
Raj Kasireddy: రాజ్ కసిరెడ్డి కోసం హైదరాబాద్‌లో గాలింపు
Gutkha Khaini: గుట్కా తయారీలో వాడేవి ఇవే.. తింటే డైరెక్ట్‌గా అక్కడికే..
Kancha Gachibowli: కంచ గచ్చిబౌలిపై సుప్రీంలో అఫిడవిట్.. తెలంగాణ ప్రభుత్వం ఏం చెప్పిందంటే..
New Delhi: విమాన ప్రయాణికులకు బిగ్ అలర్ట్.. ఆ టెర్మినల్‌లోకి నో ఎంట్రీ
UPI Transactions: ఫోన్‌పే, గూగుల్‌పే చేస్తున్నారా ఈ 12 అంకెల యూటీఆర్ చరిత్ర తెలుసా
For AndhraPradesh News And Telugu News
