Bank Jobs: డిగ్రీ అర్హతతో బ్యాంక్ ఉద్యోగాలకు నోటిఫికేషన్..ముసలోళ్లు అప్లై చెయ్యెచ్చు
ABN , Publish Date - Apr 14 , 2025 | 05:21 PM
ప్రముఖ బ్యాంకుల్లో ఒకటైన పంజాబ్ అండ్ సింధ్ బ్యాంక్ ఇటీవల కౌన్సెలర్ పోస్టుల నియామకానికి నోటిఫికేషన్ ప్రకటించింది. FLC (Financial Literacy Centre) కౌన్సెలర్ పోస్టులకు అర్హత కలిగిన 65 ఏళ్ల లోపు అభ్యర్థులు వీటికి దరఖాస్తు చేసుకోవచ్చని తెలిపింది.
అనేక మంది యువతకు బ్యాంకుల్లో ఉద్యోగాలు చేయాలని ఉంటుంది. అలాంటి వారికి గుడ్ న్యూస్ వచ్చేసింది. ఎందుకంటే ప్రముఖ బ్యాంకుల్లో ఒకటైన పంజాబ్ అండ్ సింధ్ బ్యాంక్ ఇటీవల FLC కౌన్సెలర్ పోస్టులకు ఉద్యోగ నోటిఫికేషన్ విడుదల చేసింది. Financial Literacy Centre (FLC) కౌన్సెలర్‌గా మీరు సమాజంలో ఆర్థిక అవగాహన పెంపొందించే కీలక పాత్ర పోషించవచ్చు. 65 ఏళ్ల లోపు అర్హత కలిగిన అభ్యర్థులు ఈ అవకాశాన్ని సద్వినియోగం చేసుకోవచ్చు. రిటైర్డ్ బ్యాంకింగ్ ఉద్యోగులకు, సమాజానికి సేవ చేయాలనే అభిలాష ఉన్న వారికి ఇది చాలా అనుకూలంగా ఉంటుంది. గ్రామీణ, పట్టణ ప్రాంతాల్లో ఆర్థిక జ్ఞానాన్ని పెంపొందించేందుకు కృషి చేయాలనుకునే అభ్యర్థులు ఈ రోల్‌కి మంచి ఎంపిక అవుతారు. అభ్యర్థులకి మానవ సంబంధాల్లో నైపుణ్యం ఉండటం, ఆర్థిక వ్యవహారాలపై అవగాహన కలిగి ఉండటం కీలకం. మీరు ఆర్థిక మార్గదర్శకునిగా భవిష్యత్తును కొనసాగించాలనుకుంటే, ఇది మీకు మంచి ఛాన్స్ అని చెప్పవచ్చు.
పోస్టు వివరాలు
పోస్టు పేరు: FLC కౌన్సెలర్
మొత్తం ఖాళీలు: ఖాళీల సంఖ్య నోటిఫికేషన్‌లో పేర్కొనబడలేదు
దరఖాస్తు విధానం: ఆఫ్‌లైన్
చివరి తేదీ: 25 ఏప్రిల్ 2025
అర్హత ప్రమాణాలు
విద్యార్హత: ఏదైనా గుర్తింపు పొందిన యూనివర్సిటీ నుంచి బ్యాచిలర్ డిగ్రీ
వయోపరిమితి: 65 సంవత్సరాల వయస్సు వరకు
అనుభవం
ఆర్థిక రంగంలో కనీసం 3 సంవత్సరాల అనుభవం ఉండాలి. బ్యాంకింగ్ చట్టం, ఫైనాన్స్‌పై మంచి పరిజ్ఞానంతో పాటు అవసరమైన కమ్యూనికేషన్, టీమ్ బిల్డింగ్ నైపుణ్యాలతో డిగ్రీ పూర్తి చేసి ఉండాలి. దీంతోపాటు ప్రభుత్వ రంగ బ్యాంకుల (స్కేల్ II అంతకంటే ఎక్కువ) నుంచి రిటైర్డ్ బ్యాంక్ అధికారులు ఈ పదవికి దరఖాస్తు చేసుకోవడానికి అర్హులుగా ఉంటారు.
జీతం
ఈ పోస్టుకు జీతం నోటిఫికేషన్‌లో స్పష్టంగా పేర్కొనబడలేదు. అయితే, గతంలో FLC కౌన్సెలర్ పోస్టులకు నెలకు సుమారు రూ.25,000 నుంచి రూ.50,000 వరకు ఉండేది.
ఎంపిక విధానం
దరఖాస్తు పరిశీలన: సంబంధిత అర్హతలు, అనుభవం ఆధారంగా
ఇంటర్వ్యూ: అర్హత గల అభ్యర్థులను ఇంటర్వ్యూ ద్వారా ఎంపిక చేస్తారు
దరఖాస్తు విధానం
ఆధికారిక వెబ్‌సైట్ సందర్శించి punjabandsindbank.co.in అప్లికేషన్ డౌన్ లోడ్ చేసుకుని ఆఫ్ లైన్ విధానంలో అప్లై చేయాల్సి ఉంటుంది.
ముఖ్యమైన సూచనలు
వయోపరిమితి సడలింపు నియమాల ప్రకారం వయోపరిమితి సడలింపు అనుమతించబడుతుంది
ఇవి కూడా చదవండి:
Forex vs Credit Card: జీరో ఫారెక్స్ కార్డ్ vs క్రెడిట్ కార్డ్..వీటిలో ఏది బెస్ట్ ఛాయిస్
SVPNPA Job Openings: హైదరాబాద్ పోలీస్ అకాడమీలో డ్రీమ్ జాబ్స్..మీకు అర్హత ఉందా, అప్లై చేశారా
Meta: మెటా మార్క్ జుకర్‌బర్గ్‌ చైనాతో ఒప్పందం..అమెరికాను మోసం చేశాడా..
Read More Business News and Latest Telugu News
