Soda Tea Recipe: వేసవి ఉపశమనం సోడా టీ

వేసవిలో జ్యూస్‌లు మాత్రమే కాదు... చల్లటి టీ కూడా ఉపశమనాన్ని ఇస్తుంది. ఈ టీని ఎలా చేయాలో చూద్దాం...

తయారీ విధానం

• టీ పొడి లేదా టీ ఆకులను బాగా మరిగించాలి. డికాక్షన్‌ను తీసి ఒక గిన్నెలో పోసి చల్లార్చాలి. దానిలో తేనె కలపాలి.

• దీనిలో తగినంత నిమ్మరసం వేయాలి. బాగా కలపాలి. ఆ తర్వాత దానిలో చల్లటి సోడాను పోయాలి. ఐస్‌ ముక్కలను వేయాలి.

• టీ పౌడర్‌ కన్నా టీ ఆకులను ఉపయోగిస్తే మంచి రుచి వస్తుంది.

• కొందరు తేనెకు బదులుగా బెల్లం పొడిని కూడా వాడతారు. ఇది కూడా చాలా రుచిగా ఉంటుంది.

• నిమ్మ రసంతో పాటుగా నిమ్మకాయ ముక్కలను వేస్తే అదనపు రుచి వస్తుంది.