Priyansh Arya: ఒక్క ఇన్నింగ్స్‌తో 8 రికార్డులు బ్రేక్.. ప్రియాన్ష్ వాటే బ్యాటింగ్

పాతికేళ్ల ఓ కుర్రాడు చెన్నై సూపర్ కింగ్స్‌కు మూడు చెరువుల నీళ్లు తాగించాడు. చాంపియన్ టీమ్‌తో అతడో ఆటాడుకున్నాడు. బౌలింగ్ చేయాలంటేనే వణికేలా చేశాడు. 39 బంతుల్లోనే సెంచరీ బాదేసి.. అందర్నీ షాక్‌కు గురిచేశాడు. ఆ చిచ్చరపిడుగు మరెవరో కాదు.. పంజాబ్ కింగ్స్ యువ ఓపెనర్ ప్రియాన్ష్ ఆర్య. సీఎస్‌కేతో మంగళవారం జరిగిన మ్యాచ్‌లో అతడు సూపర్బ్ సెంచరీతో చెలరేగాడు. మొత్తంగా 42 బంతుల్లో 103 పరుగులతో వహ్వా అనిపించాడు. టీమ్ సక్సెస్‌‌లో కీలకపాత్ర పోషించిన ఈ డాషింగ్ బ్యాటర్.. 8 క్రేజీ రికార్డులను బ్రేక్ చేశాడు. అవేంటో ఇప్పుడు చూద్దాం..

ప్రియాన్ష్ రికార్డులు ఇవే:

• ఐపీఎల్‌లో సెకండ్ ఫాస్టెస్ట్ సెంచరీ కొట్టిన భారత ప్లేయర్‌గా అరుదైన ఘనత.

• క్యాష్ రిచ్ లీగ్‌లో పంజాబ్ కింగ్స్ తరఫున జాయింట్ ఫాస్టెస్ట్ సెంచరీ బాదిన మూడో ఆటగాడిగా రికార్డు.

• ఐపీఎల్‌లో ఫస్ట్ బాల్‌కే సిక్స్ కొట్టిన నాలుగో బ్యాటర్‌.

• పంజాబ్ కింగ్స్ తరఫున ఐపీఎల్‌లో వేగంగా సెంచరీ బాదిన రెండో బ్యాటర్‌.

• ఐపీఎల్ హిస్టరీలో జాయింట్ ఫోర్త్ ఫాస్టెస్ట్ సెంచరీ రికార్డు.

• చెన్నై సూపర్ కింగ్స్ మీద ఫాస్టెస్ట్ సెంచరీ కొట్టిన బ్యాటర్.

• ఐపీఎల్‌లో ఒక ఇన్నింగ్స్‌లో అత్యధిక సిక్సులు (9 సిక్సులు) బాదిన రెండో పంజాబ్ కింగ్స్ బ్యాటర్‌.

• పంజాబ్ కింగ్స్ తరఫున పిన్న వయసులో సెంచరీ బాదిన మూడో బ్యాటర్‌. ఇలా పై అన్ని ఘనతలను తన పేరు మీద రాసుకున్నాడు ప్రియాన్ష్ ఆర్య.

ఇవీ చదవండి:

నేను మాట్లాడితే కొట్లాటే: రహానె

జాతీయ జట్టులోకి శ్రీచరణి

నాకౌట్‌కు అర్జున్

మరిన్ని క్రీడా, తెలుగు వార్తల కోసం క్లిక్ చేయండి