Paritala Sriram : పరిటాల శ్రీరామ్‌పై కేసు నమోదు
ABN , First Publish Date - 2023-05-13T10:12:55+05:30 IST
టీడీపీ నాయకుడు పరిటాల శ్రీరామ్‌పై కేసు నమోదైంది. బత్తలపల్లి మండలం పోట్లమర్రి గ్రామ ఘటనకు సంబంధించి టీడీపీ నియోజకవర్గ ఇన్‌చార్జి పరిటాల శ్రీరామపై బత్తలపల్లి పోలీసులు కేసు నమోదు చేశారు.
అనంతపురం : టీడీపీ నాయకుడు పరిటాల శ్రీరామ్ (Paritala Sriram)పై కేసు నమోదైంది. బత్తలపల్లి మండలం పోట్లమర్రి గ్రామ ఘటనకు సంబంధించి టీడీపీ (TDP) నియోజకవర్గ ఇన్‌చార్జి పరిటాల శ్రీరామపై బత్తలపల్లి పోలీసులు కేసు నమోదు చేశారు. 447, 427 సెక్షన్ల కింద పరిటాల శ్రీరామ్, మరో 23 మందిపై కేసులు నమోదు చేశారు. రెవెన్యూ అధికారులు వేసిన కొలతలను, హద్దులను పరిటాల శ్రీరామ్, మరికొందరు తొలగించారనే నెపంతో వారిపై చర్యలు తీసుకోవాలని బత్తలపల్లి పోలీసులకు తహసీల్దార్ యుగేశ్వరిదేవి ఫిర్యాదు చేశారు.
