Prattipati Pullarao: వైసీపీని ప్రజలంతా ఛీకొడుతున్నారు
ABN, First Publish Date - 2023-10-06T17:46:02+05:30
వైసీపీ(YCP) పార్టీని ప్రజలంతా ఛీకొడుతున్నారని మాజీ మంత్రి ప్రత్తిపాటి పుల్లారావు(Prattipati Pullarao) అన్నారు.
పల్నాడు జిల్లా: వైసీపీ(YCP) పార్టీని ప్రజలంతా ఛీకొడుతున్నారని మాజీ మంత్రి ప్రత్తిపాటి పుల్లారావు(Prattipati Pullarao) అన్నారు. చంద్రబాబు నాయుడు అక్రమ అరెస్ట్‌కు నిరసనగా చిలకలూరిపేటలో తెలుగుదేశం పార్టీ దీక్ష చేపట్టింది. ఈ దీక్షలో ప్రత్తిపాటి పుల్లారావు పాల్గొన్నారు. చంద్రబాబుకు మంచి జరగాలని ఆకాంక్షిస్తూ ముస్లింలతో కలిసి ప్రత్తిపాటి ప్రార్థనలు చేశారు. ఈ సందర్భంగా ప్రత్తిపాటి మీడియాతో మాట్లాడుతూ...‘‘వైసీపీ దుష్ట పాలనను అంతమొందించాల్సిందే. సీఎం జగన్మోహన్‌రెడ్డి పీఠం దిగిన మరుక్షణమే జగన్ జైలుకు వెళ్లడం ఖాయం. ఏఏజీకి కనీసం ఎలక్టోరల్ బాండ్లంటే తెలియదా? చంద్రబాబుపై బురదజల్లేందుకే.. ఏఏజీ వాదనలు కుట్రలకు పరాకాష్ఠగా మారింది. ఎప్పుడు ఎన్నికలొచ్చినా వైసీపీ ఓటమి ఖాయం. చంద్రబాబు నిర్ధోషిగా బయటకు రావాలన్న ప్రజల పూజలు ఫలిస్తాయి’’ అని ప్రత్తిపాటి పుల్లారావు పేర్కొన్నారు.
Updated Date - 2023-10-06T17:48:28+05:30 IST