Prattipati Pullarao: ఓటమి భయంతోనే జగన్‌రెడ్డికి మతిభ్రమించింది
ABN, First Publish Date - 2023-10-09T19:51:17+05:30
ఓటమి భయంతోనే ముఖ్యమంత్రి జగన్మోహన్‌రెడ్డికి మతిభ్రమించి మాట్లాడతు న్నారని మాజీమంత్రి ప్రత్తిపాటి పుల్లారావు(Prattipati Pullarao) వ్యాఖ్యానించారు.
పల్నాడు: ఓటమి భయంతోనే ముఖ్యమంత్రి జగన్మోహన్‌రెడ్డికి మతిభ్రమించి మాట్లాడతున్నారని మాజీమంత్రి ప్రత్తిపాటి పుల్లారావు(Prattipati Pullarao) వ్యాఖ్యానించారు. తెలుగుదేశం జాతీయ అధ్యక్షుడు, మాజీ ముఖ్యమంత్రి నారా చంద్రబాబు నాయుడు అక్రమ అరెస్ట్‌ను నిరసిస్తూ చిలకలూరిపేటలో టీడీపీ దీక్ష చేపట్టంది. ఈ దీక్ష సోమవారం నాటికి 27వ రోజుకు చేరింది. ఈదీక్షలో ప్రత్తిపాటి పుల్లారావు పాల్గొన్నారు. టీడీపీ దీక్షలకు జనసేన నాయకులు కూడా సంఘీభావం తెలిపారు. ఈసందర్భంగా ప్రత్తిపాటి మీడియాతో మాట్లాడుతూ... ప్రజలు జగన్‌రెడ్డిని నమ్మి 151 సీట్లు ఇస్తే రాష్ట్రాన్ని నడిబజారు పాల్జేశారు. ఏ ఇల్లు సంతోషంగా ఉందో, ఏ ఊరు ప్రశాంతంగా ఉందో చెప్పగలరా? జగన్ సర్కారుపై తిరుగుబాటు మరింత ఉద్ధృతం కావడం ఖాయం. వైనాట్ 175 వంటి భ్రమల నుంచి వాస్తవాలు జగన్‌రెడ్డి చూడాలి. త్వరలోనే వైసీపీ బ్యాచ్‌ పలాయనం చిత్తగించడం ఖాయమని ప్రత్తిపాటి పుల్లారావు ఆగ్రహం వ్యక్తం చేశారు.
Updated Date - 2023-10-09T19:51:17+05:30 IST