Kanna Lakshminarayana : పార్టీ మారిన తర్వాత టీడీపీ నేతలతో తొలిసారిగా సమావేశం కానున్న కన్నా
ABN, First Publish Date - 2023-03-26T08:49:00+05:30
కన్నా లక్ష్మీనారాయణ బీజేపీని వీడి ఇటీవల టీడీపీ తీర్థం పుచ్చుకున్న విషయం తెలిసిందే. పార్టీ మారిన తర్వాత కన్నా తొలిసారిగా టీడీపీ నేతలతో సమావేశం కానున్నారు.
గుంటూరు : కన్నా లక్ష్మీనారాయణ బీజేపీని వీడి ఇటీవల టీడీపీ తీర్థం పుచ్చుకున్న విషయం తెలిసిందే. పార్టీ మారిన తర్వాత కన్నా తొలిసారిగా టీడీపీ నేతలతో సమావేశం కానున్నారు. ఈ క్రమంలోనే నేడు తన నివాసంలో విందు సమావేశం ఏర్పాటు చేశారు. టీడీపీలో చేరిన తర్వాత నేతలతో కలిసి క్షేత్ర స్థాయిలో పని చేసే ప్రయత్నం చేస్తున్నారు. ఉమ్మడి గుంటూరు జిల్లాలోని 17 నియోజకవర్గాల టీడీపీ ఇన్‌చార్జ్‌లను కన్నా లక్ష్మీనారాయణ విందుకు ఆహ్వానించారు. ఈ రోజు మధ్యాహ్నం కన్నా ఇంటికి టీడీపీ నేతలు భోజనానికి రానున్నారు. ప్రస్తుత రాజకీయలపై నేతలు చర్చించే అవకాశం ఉంది. సమిష్టిగా పార్టీని ముందుకు తీసుకెళ్ళే అంశంపై నేతలు దృష్టి సారించినున్నారు. జిల్లాలో కన్నా విందు సమావేశం హాట్ టాపిక్‌గా మారింది.
Updated Date - 2023-03-26T08:49:00+05:30 IST