Chennai to Anantapur: చెన్నై నుంచి అనంతపురానికి ‘ఇంద్ర బస్సు’
ABN, First Publish Date - 2023-10-06T09:03:14+05:30
చెన్నై - అనంతపురం(Chennai to Anantapur) మధ్య ‘ఇంద్ర బస్సు’ సర్వీసులు నడపనున్నట్లు ఏపీఎస్‌ఆర్టీసీ అనంతపురం
చెన్నై, (ఆంధ్రజ్యోతి): చెన్నై - అనంతపురం(Chennai to Anantapur) మధ్య ‘ఇంద్ర బస్సు’ సర్వీసులు నడపనున్నట్లు ఏపీఎస్‌ఆర్టీసీ అనంతపురం రీజనల్‌ మేనేజర్‌ సుమంత్‌ ఆర్‌.ఆదోనీ ప్రకటించారు. ప్రతిరోజూ రాత్రి8.15గంటలకు (సర్వీసు నంబర్‌: 6617) స్థానిక మాధవరం బస్టాండు నుంచి బయలుదేరే బస్సు..మరునాడు ఉదయం 6గంటలకు అనంతపురం చేరుకుంటుంది. ప్రతిరోజూ రాత్రి 9.30 గంటలకు అనంతపురంలో బయలుదేరే బస్సు (సర్వీసు నెంబరు 6616) మరునాడు ఉదయం 6.45 గంటలకు చెన్నై చేరుకుంటుంది. ఈ బస్సులకు రిజర్వేషన్‌ సదుపాయం కల్పించారు. ఈ అవకాశాన్ని ప్రయాణీకులు సద్వినియోగం చేసుకోవాలని రీజనల్‌ మేనేజర్‌ విజ్ఞప్తి చేశారు.
Updated Date - 2023-10-06T09:03:14+05:30 IST