NRI TDP: టీడీపీ జోన్-2 కోఆర్డినేటర్‌గా రవి మందలపు
ABN, First Publish Date - 2023-07-22T11:58:38+05:30
టీడీపీ జోన్-2 కోఆర్డినేటర్‌గా రవి మందలపు ఎన్నికయ్యారు.
NRI TDP: టీడీపీ జోన్-2 కోఆర్డినేటర్‌గా రవి మందలపు ఎన్నికయ్యారు. ఇటీవల ముగిసిన ‘తానా’ (TANA) 23వ సమావేశాల సందర్భంగా జరిగిన ఎన్నారై టీడీపీ యూఎస్ఏ సమావేశంలో టీడీపీ నేత డాక్టర్ రవి వేమూరు.. రవి మందలపు నియామకం విషయమై ఎన్నారైలకు తెలియచేసారు. టీడీపీ నేతలకు సంబంధించి ఏపీలోని ఉభయ గోదావరి జిల్లాలను జోన్-2గా నిర్ణయించారు. ఈ జోన్-2కు రవి మందలపును కోఆర్డినేటర్‌గా పార్టీ జాతీయ అధ్యక్షుడు చంద్రబాబు నియమించారు. జోన్-2లో అమలాపురం, కాకినాడ, రాజమండ్రి, ఏలూరు తదితర నియోజకవర్గాలున్నాయి. 35 మంది ఎమ్మెల్యేలు ఈ జోన్-2లో ఉంటారు. ఇక తనకు అప్పగించిన కీలక బాధ్యతల పట్ల హర్షం వ్యక్తం చేసిన రవి మందలపు.. టీడీపీ జాతీయ అధ్యక్షుడు చంద్రబాబు, జాతీయ కార్యదర్శి లోకేష్‌తో కలసి పార్టీ గెలుపు కోసం శాయశక్తులా కృషి చేస్తానని అన్నారు.
Updated Date - 2023-07-22T11:58:38+05:30 IST