Viral Video: టీమిండియా క్రికెటర్ శ్రేయస్ అయ్యర్ మంచి మనసుకు నెటిజన్లు ఫిదా!
ABN, First Publish Date - 2023-08-17T16:36:16+05:30
టీమిండియా స్టార్ బ్యాటర్ శ్రేయస్ అయ్యర్ తన మంచి మనసును చాటుకున్నాడు. ప్రాక్టీస్ ముగించుకుని తిరిగి వెళ్తుతుండగా సాయం అడిగిన ఇద్దరు వ్యక్తులకు కాదనుకుండా డబ్బులు సాయం చేశాడు.
టీమిండియా స్టార్ బ్యాటర్ శ్రేయస్ అయ్యర్ తన మంచి మనసును చాటుకున్నాడు. ప్రాక్టీస్ ముగించుకుని తిరిగి వెళ్తుతుండగా సాయం అడిగిన ఇద్దరు వ్యక్తులకు కాదనుకుండా డబ్బులు సాయం చేశాడు. దీనిని ఎవరో ఒక వ్యక్తి వీడియో తీసి సోషల్ మీడియాలో అప్‌లోడ్ చేయగా నెట్టింట్ చక్కర్లు కొడుతోంది. ఈ వీడియో చూసిన నెటిజన్లు శ్రేయస్ అయ్యర్ మంచి మనస్సుకు ఫిదా అవుతున్నారు. అయ్యర్ మనస్సు చాలా మంచిదంటూ ప్రశంసలు కురిపిస్తున్నారు. వీడియోలో కనిపిస్తున్న దాని ప్రకారం శ్రేయస్ అయ్యర్ ప్రాక్టీస్ ముగించుకుని తిరిగి వెళ్లడానికి కారు ఎక్కుతుండగా ఓ వ్యక్తి, చంటి బిడ్డతో అక్కడికి వచ్చాడు. సాయం చేయాల్సిందిగా కోరాడు. దానికి ఏ మాత్రం కోపకుండా ప్రశాంతంగా ఉన్న అయ్యర్.. నవ్వుతూ అతనితో కాస్త ముచ్చటించాడు. వెంటనే జేబులో నుంచి కొంత డబ్బు తీసి ఇచ్చాడు. ఇంతలో మరో వ్యక్తి కూడా అక్కడికి వచ్చి సాయం అడగగా లేదనుకుండా అతనికి కూడా కొంత డబ్బు సాయం చేశాడు.
గాయం కారణంగా కొంతకాలంగా భారత జట్టుకు దూరంగా ఉంటున్న శ్రేయస్ అయ్యర్ బెంగళూరులోని నేషనల్ క్రికెట్ అకాడమీలో కోలుకుంటున్నాడు. ప్రస్తుతం అందుతున్న సమాచారం ప్రకారం గాయం నుంచి అయ్యర్ దాదాపుగా కోలుకున్నాడు. ఈ నెల 31 నుంచి జరిగే వన్డే ప్రపంచకప్‌లో అతను బరిలోకి దిగే అవకాశాలున్నాయి. యువరాజ్ సింగ్ తర్వాత భారత వన్డే జట్టులో నాలుగో స్థానానికి సరైన ఆటగాడు దొరకలేదు. కానీ కొంతకాలం శ్రేయస్ అయ్యర్ నాలుగో స్థానంలో చక్కగా బ్యాటింగ్ చేశాడు. దీంతో నాలుగో స్థానం అయ్యర్‌కు ఖరారు అయిందనుకునే లోపే గాయం కారణంగా జట్టుకు దూరమయ్యాడు. కాగా రానున్న వన్డే ప్రపంచకప్‌లో నాలుగో స్థానంలో శ్రేయస్ అయ్యరే బరిలోకి దిగే అవకాశాలున్నాయి.
Updated Date - 2023-08-17T16:36:16+05:30 IST