MLC Kavitha : రేవంత్‌రెడ్డి పోలీసులను బెదిరిస్తున్నారు
ABN, First Publish Date - 2023-11-22T22:51:23+05:30
పోలీసులను టీపీసీసీ అధ్యక్షుడు రేవంత్‌రెడ్డి ( Revanth Reddy ) బెదిరిస్తున్నారని ఎమ్మెల్సీ కల్వకుంట్ల కవిత ( MLC Kavitha ) పేర్కొన్నారు.
నిజామాబాద్: పోలీసులను టీపీసీసీ అధ్యక్షుడు రేవంత్‌రెడ్డి ( Revanth Reddy ) బెదిరిస్తున్నారని ఎమ్మెల్సీ కల్వకుంట్ల కవిత ( MLC Kavitha ) పేర్కొన్నారు. బుధవారం నాడు ఆమె మీడియాతో మాట్లాడుతూ..‘‘అభివృద్ధికి అరాచకానికి మధ్య జరుగుతున్న ఎన్నిక ఇది. ప్రజలు ఆలోచన చేయాలి. కాంగ్రెస్ పార్టీ నాయకుల దాడులు రోజు రోజుకూ ఎక్కువ అవుతున్నాయి. రౌడీల్లాగా, గుండాల్లాగా కాంగ్రెస్ నేతలు వ్యవహరిస్తున్నారు. కాంగ్రెస్ పార్టీని ప్రజలు రెడ్ డైరీలో రాసుకున్నారు. గుండా యిజం ,రౌడీయిజమ్ చేసేవాళ్లకు ప్రజలు బుద్ధి చెప్పాలి. బీసీ టికెట్లను అమ్ముకున్న రేవంత్ రెడ్డి బీసీల గురించి మాట్లాడటం సిగ్గు చేటు. కాంగ్రెస్ పాలిత రాష్ట్రాల్లో అస్థిర పాలన ఉంది.కాంగ్రెస్ పార్టీ నిజమైన స్వరూపం ప్రజలు గమనించాలి. ప్రతి చోట అల్లర్లు, దాడులు చేసే చరిత్ర కాంగ్రెస్ పార్టీది. బీఆర్ఎస్ పార్టీ జిల్లాలకు ఐటీనీ విస్తరిస్తే కాంగ్రెస్ అల్లర్లను విస్తరిస్తుంది. అధికారులు నిష్పక్ష పాతంగా పనిచేస్తున్నారు’’ అని కవిత పేర్కొన్నారు.
Updated Date - 2023-11-22T22:51:24+05:30 IST