Arvind: కేసీఆర్, రేవంత్‌రెడ్డి ఇద్దరూ తోడుదొంగలు
ABN, First Publish Date - 2023-11-21T16:17:26+05:30
సీఎం కేసీఆర్ ( CM KCR ), టీపీసీసీ అధ్యక్షుడు రేవంత్‌రెడ్డి ( Revanth Reddy ) ఇద్దరూ తోడుదొంగలేనని ఎంపీ ధర్మపురి అరవింద్ ( MP Dharmapuri Arvind ) ఎద్దేవ చేశారు.
నిజామాబాద్‌: సీఎం కేసీఆర్ ( CM KCR ), టీపీసీసీ అధ్యక్షుడు రేవంత్‌రెడ్డి ( Revanth Reddy ) ఇద్దరూ తోడుదొంగలేనని ఎంపీ ధర్మపురి అరవింద్ ( MP Dharmapuri Arvind ) ఎద్దేవ చేశారు. మంగళవారం నాడు బోధన్‌లో యువశక్తి విజయ సంకల్ప సభ నిర్వహించారు. ఈ సభలో ఎంపీ ధర్మపురి పాల్గొని మాట్లాడుతూ.. ‘‘నిజాం ఫ్యాక్టరీని ముంచింది కాంగ్రెస్. చరిత్రాత్మక షుగర్ ఫ్యాక్టరీ ఓపెన్ కావాలంటే బీజేపీ తెలంగాణ అసెంబ్లీ ఎన్నికల్లో గెలవాలి. రేవంత్‌రెడ్డి కేసీఆర్ కంటే ఎక్కువగా భూములను అమ్ముతాడు.కాంగ్రెస్ కర్ణాటకలో ప్రజలను మోసం చేసింది. కవిత బిజినెస్ పార్టనర్ రేవంత్‌రెడ్డి. ఇక జీవితంలో కవిత ఎన్నికల్లో నిలబడదు.. గెలవదు. కల్వకుంట్ల కుటుంబం కారాగారంలోకి వెళ్లడం ఖాయం. ఐదు వందల కోట్లతో నిజామాబాద్‌లో ఆస్పత్రి ఏర్పాటు చేస్తాం. రేవంత్‌ని కేసీఆర్ ఎందుకు జైలుకు పంపండం లేదు’’ అని అరవింద్ ప్రశ్నించారు.
Updated Date - 2023-11-21T16:17:39+05:30 IST