Revanth Reddy: కొడంగల్‌ కింగ్ రేవంతే... భారీ మెజారిటీతో విజయం..

వికారాబాద్ : వికారాబాద్ జిల్లా కొడంగల్‌లో టీపీసీసీ చీఫ్ రేవంత్ రెడ్డి ఘన విజయం సాధించారు. ఆది నుంచి కూడా రేవంత్ ప్రతి రౌండ్‌లోనూ ఆధిక్యం కనబరిచారు. మొత్తానికి 32,800 ఓట్ల మెజారిటీతో రేవంత్ ఘన విజయం సాధించారు. అసలు కౌంటింగ్ ప్రారంభం నుంచే కాంగ్రెస్ పార్టీ స్పష్టమైన మెజారిటీతో దూసుకుపోతోంది. ఈ క్రమంలోనే టీపీసీసీ చీఫ్ రేవంత్ రెడ్డిని డీజీపీ అంజనీ కుమార్ కలిసి పుష్పగుచ్చం అందించి శుభాకాంక్షలు తెలిపారు.

టీపీసీసీ చీఫ్ రేవంత్ రెడ్డి గాంధీభవన్‌కు బయలుదేరారు. జూబ్లీహిల్స్‌లోని నివాసం నుంచి భారీ ర్యాలీగా గాంధీభవన్‌కు రేవంత్ వెళ్లారు. అలాగే కర్ణాటక ఉప ముఖ్యమంత్రి డీకే శివకుమార్‌ కూడా గాంధీభవన్‌కు చేరుకున్నారు. తెలంగాణలో అధికారం చేపట్టే దిశగా కాంగ్రెస్ పార్టీ అడుగులు వేస్తోంది. కౌంటింగ్ మొదలైనప్పటి నుంచి కాంగ్రెస్ పార్టీ అభ్యర్థులు మెజార్టీ దశగా ముందుకు దూసుకెళ్తున్నారు. ఇప్పటి వరకూ కాంగ్రెస్ 13 స్థానాల్లో విజయం సాధించగా.. 56 స్థానాల్లో ఆధిక్యంలో ఉంది.