Yogi Adityanath: బీజేపీ అభ్యర్థులను గెలిపిస్తే అయోధ్యలో శ్రీరాముడి దర్శనాన్ని ఉచితంగా కల్పిస్తాం
ABN, First Publish Date - 2023-11-26T15:42:06+05:30
బీజేపీ అభ్యర్థులను గెలిపిస్తే అయోధ్యలో శ్రీరామ చంద్ర మూర్తి దర్శన భాగ్యం ఉచితంగా కల్పిస్తామని ఉత్తరప్రదేశ్ ముఖ్యమంత్రి యోగి ఆదిత్యనాథ్ ( Yogi Adityanath ) తెలిపారు.
మహబూబ్ నగర్: బీజేపీ అభ్యర్థులను గెలిపిస్తే అయోధ్యలో శ్రీరామ చంద్ర మూర్తి దర్శన భాగ్యం ఉచితంగా కల్పిస్తామని ఉత్తరప్రదేశ్ ముఖ్యమంత్రి యోగి ఆదిత్యనాథ్ ( Yogi Adityanath ) తెలిపారు. ఆదివారం నాడు యోగి మహబూబ్ నగర్‌‌లో ఎన్నికల ప్రచారం నిర్వహించారు. ఈ సందర్భంగా యోగి మాట్లాడుతూ...‘‘ అమరవీరుల ఆత్మబలిదానాలతో ఏర్పడిన తెలంగాణను బీఆర్ఎస్ మాఫియా మాయం చేసింది. మిగులు రాష్ట్రాన్ని సీఎం కేసీఆర్ అప్పులమయంగా చేశారు. మహబూబ్‌నగర్‌ను పాలమూరుగా మార్చటం కోసమే వచ్చాను. యూపీలో మాఫియాను బుల్డోజర్‌తో అణిచివేశాం. ఎంఐఎం, బీఆర్ఎస్, కాంగ్రెస్ ఒక్కటే పార్టీలు. యూపీలో ఆరేళ్లలో 6 లక్షల ఉద్యోగాలు ఇచ్చాం. తెలంగాణలో మాత్రం పేపర్ లీక్‌‌లతో నిరుద్యోగులను మోసం చేశారు. ప్రధానమంత్రి నరేంద్ర మోదీ పాలనలో సరిహద్దు ప్రశాంతంగా ఉంది. అయోధ్యలో రామ మందిరం నిర్మాణం కాంగ్రెస్ వల్ల అయ్యేదా’’ అని యోగి ఆదిత్యనాథ్ ప్రశ్నించారు.
మరిన్ని పోరు తెలంగాణ వార్తల కోసం ఇక్కడ క్లిక్ చేయండి
Updated Date - 2023-11-26T16:05:44+05:30 IST