KTR: రేవంత్ రెడ్డి గాడ్సే లాంటోడు.. కేటీఆర్ విమర్శలు
ABN, First Publish Date - 2023-10-05T16:30:08+05:30
టీపీసీసీ చీఫ్ రేవంత్ రెడ్డిపై మంత్రి కేటీఆర్ తీవ్రస్థాయిలో విమర్శలు గుప్పించారు. గురువారం మీడియాతో మాట్లాడుతూ... రేవంత్ రెడ్డి గాడ్సే లాండోరని.. ఎన్నికల తరువాత గెలిచిన కొంతమంది ఎమ్మెల్యేలతో బీజేపీలో చేరుతారంటూ వ్యాఖ్యలు చేశారు.
హైదరాబాద్: టీపీసీసీ చీఫ్ రేవంత్ రెడ్డిపై (TPCC Chief Revanth Reddy) మంత్రి కేటీఆర్(Minister KTR) తీవ్రస్థాయిలో విమర్శలు గుప్పించారు. గురువారం మీడియాతో మాట్లాడుతూ... రేవంత్ రెడ్డి గాడ్సే లాండోరని.. ఎన్నికల తరువాత గెలిచిన కొంతమంది ఎమ్మెల్యేలతో బీజేపీలో చేరుతారంటూ వ్యాఖ్యలు చేశారు. అభివృద్ధికి కేరాఫ్ అడ్రస్ బీఆర్ఎస్ ప్రభుత్వమని అన్నారు. కాంగ్రెస్ నాయకులు రాష్ట్రంలో సరిగ్గా కరెంట్ సరఫరా కావట్లేదని మాట్లాడుతున్నారని.. రేవంత్ రెడ్డికి కోమటిరెడ్డి వెంకట్ రెడ్డికి సవాలు విసురుతున్న రాష్ట్రంలో ఎక్కడైనా కరెంట్ తీగలు పట్టుకుంటే తెలుస్తుంది కరెంట్ సరఫరా అవుతుందో లేదో అని అన్నారు. కేంద్రంలో ఉన్న బీజేపీ నీటి వాట తేల్చారని.. కాంగ్రెస్ ఏమో ప్రాజెక్ట్‌ల మీద కేసులు వేస్తారన్నారు. ఆర్ఎస్ఎస్ భావాలున్న రేవంత్ రెడ్డిని పీసీసీ అధ్యక్షుడిని చేస్తే ముస్లింలు, క్రిస్టియన్‌లు ఎలా నమ్ముతారని మంత్రి కేటీఆర్ వ్యాఖ్యలు చేశారు.
Updated Date - 2023-10-05T16:30:08+05:30 IST