Delhi Liquor Scam : ఈడీ ఎదుట హాజరైన కవిత
ABN, First Publish Date - 2023-03-11T11:14:17+05:30
ఎమ్మెల్సీ కవిత ఈడీ ఎదుట హాజరయ్యారు. నేడు ఈడీ ఆమెను ఈడీ విచారించనున్నారు. ఆమెతో పాటు ఒక న్యాయవాది సైతం వెళ్లారు.
ఢిల్లీ : ఎమ్మెల్సీ కవిత ఈడీ ఎదుట హాజరయ్యారు. నేడు ఈడీ ఆమెను ఈడీ విచారించనున్నారు. ఆమెతో పాటు ఒక న్యాయవాది సైతం వెళ్లారు. సీఎం కేసీఆర్ నివాసం నుంచి కారులో బయలుదేరి వెళ్లారు. ఈడీ కార్యాలయానికి వెళ్లడానికి ముందు తన సోదరుడు మంత్రి కేటీఆర్, హరీష్‌రావులతో భేటీ అయ్యారు. ఉదయం నుంచే ఢిల్లీలోని కేసీఆర్ నివాసం వద్ద హడావుడి కొనసాగుతోంది. పెద్ద ఎత్తున బీఆర్ఎస్ కార్యకర్తలు కేసీఆర్ నివాసానికి చేరుకున్నారు. తెలంగాణ మంత్రులు, ఎంపీలు పెద్ద ఎత్తున కవితకు మద్దతు తెలిపారు.
ముగ్గురినీ కలిపి ప్రశ్నించే అవకాశం?
కవితకు బినామీగా చెబుతున్న పిళ్లై ప్రస్తుతం ఈడీ కస్టడీలో ఉన్నారు. సిసోడియాను శుక్రవారం కస్టడీలోకి తీసుకుంది. ఈ క్రమంలో వారిద్దరితో వేర్వేరుగా, కలిపి కూడా కవితను ప్రశ్నించే అవకాశముందని ఈడీ వర్గాలు తెలిపాయి. విడిగా కూడా కవితను ప్రశ్నిస్తారు. నిందితులు, సాక్షులు ఇచ్చిన వాంగ్మూలాలు, సేకరించిన సాక్ష్యాధారాల ఆధారంగా ప్రశ్నలు ఉంటాయి. మరోవైపు కవిత కూడా పలుసార్లు ఫోన్లు మార్చారని, ధ్వంసం చేశారని ఈడీ ఆరోపిస్తున్న క్రమంలో వాటిపైనా ప్రశ్నించే అవకాశం ఉంది. విచారణకు సహకరించపోతే కవితను అరెస్టు చేసే అవకాశాలు ఉన్నట్లు అధికార వర్గాలు చెబుతున్నాయి. ముఖ్యంగా ఇప్పటి వరకు చాలా మందిని ఈ కారణంతోనే ఈడీ అరెస్టు చేసింది. అరెస్టు చేసిన తర్వాత వారిని కస్టడీలోకి తీసుకొని ప్రశ్నించింది.
Updated Date - 2023-03-11T11:14:17+05:30 IST