AP Politics: నెల్లూరులో రా.. కదలిరా.. జనసంద్రంగా ఎస్వీజీఎస్ గ్రౌండ్స్
ABN, Publish Date - Jan 28 , 2024 | 12:59 PM
తెలుగుదేశం పార్టీ అధినేత చంద్రబాబు నాయుడు రా.. కదలిరా కార్యక్రమానికి ప్రజల నుంచి విశేష స్పందన వస్తోంది. నెల్లూరు ఎజ్వీజీఎస్ కాలేజీ గ్రౌండ్స్‌‌కు భారీగా జనం తరలి వచ్చారు.
నెల్లూరు: తెలుగుదేశం పార్టీ అధినేత చంద్రబాబు నాయుడు (Chandrababu) రా.. కదలిరా కార్యక్రమానికి ప్రజల నుంచి విశేష స్పందన వస్తోంది. నెల్లూరు ఎజ్వీజీఎస్ కాలేజీ గ్రౌండ్స్ జన సంద్రంగా మారింది. గ్రౌండ్‌కు వచ్చేందుకు వీలు లేక రోడ్డు మీద వేలాది మంది ప్రజలు వేచి ఉన్నారు. సభకు తెలుగుదేశం పార్టీ, జనసేన శ్రేణులు భారీగా తరలి వచ్చారు. కనపర్తిపాడు జెడ్పీ హెచ్ఎస్‌ వద్దకు హెలికాప్టర్‌లో చేరుకున్న చంద్రబాబు నాయుడికి తెలుగుదేశం పార్టీ ముఖ్య నేతలు ఘన స్వాగతం పలికారు. అక్కడి నుంచి రోడ్డు మార్గంలో గ్రౌండ్స్ వద్దకు చంద్రబాబు వచ్చారు. అక్కడ ఉన్న జనాలను చూసి చంద్రబాబు అభివాదం చేశారు. చంద్రబాబును చూసి ఈలలు వేశారు. నెల్లూరులో రా.. కదిలి రా కార్యక్రమం ముగిసిన తర్వాత పత్తికొండకు చంద్రబాబు వెళతారు. అక్కడ సభలో ప్రజలను ఉద్దేశించి చంద్రబాబు ప్రసంగిస్తారు. ఈ రోజు రాత్రి పత్తికొండలో బస చేస్తారు. సోమవారం ఉదయం చంద్రబాబు రాజమండ్రి వెళతారు.
మరిన్ని ఏపీ వార్తల కోసం ఈ లింక్ క్లిక్ చేయండి.
Updated Date - Jan 28 , 2024 | 12:59 PM
