EC: ఏపీ రాష్ట్ర అధికారుల తీరుపై ఈసీ విస్మయం..

అమరావతి: పాలకపక్షమైన వైసీపీ (YCP) అక్రమాలపై ఫిర్యాదులు (Complaints) కుప్పలు తెప్పలుగా వస్తున్నాయి. ఏమడిగినా అంతా బాగుందనే కొందరు కలెక్టర్లు (Collectors), ఎస్పీలు (SPs) అధికారిక నివేదికలు పంపిస్తున్నారు. ఇదోదే తేడాగానే ఉందని కేంద్ర ఎన్నికల కమిషన్ (CEC) అనుమానిస్తోంది. అరడజన్ మంది కలెక్టర్లు.. అంతకంటే ఎక్కువ సంఖ్యలో ఎస్పీల వ్యవహారశైలిపై ఈసీ కన్నేసింది. ముఖ్యమంత్రి జగన్ (CM Jagan) తన పార్టీ అభ్యర్థుల ఎంపికకు ముందే ఎక్కడ ఏ అధికారి ఉండాలో నిర్ణయించుకున్నారు. ఆ ప్రకారమే జిల్లాలో తనకు అనుకూలంగా కలెక్టర్లు, ఎస్పీలను నియమించారు. ఇక వారే ఇప్పుడు వివాదాస్పద నిర్ణయాలతో ఈసీకి చిరాకు తెప్పిస్తున్నట్లు సమాచారం. అనేక జిల్లాల్లో అధికార యంత్రాంగం అధికార పక్షానికి అనుకూలంగా వ్యవహరిస్తోందని, కొన్ని చోట్ల ప్రభుత్వ ఉద్యోగులు, అధికారులను వైసీపీ కార్యకర్తలుగా పనిచేయించుకుంటున్నారనే ఫిర్యాదులు వెళ్లువెత్తున్నాయి.