IRCTC: వినియోగదారులకు IRCTC అలర్ట్.. 2 రోజులు ఈ కార్యకలాపాలు బంద్
ABN, Publish Date - Dec 09 , 2024 | 03:21 PM
తత్కాల్ టికెట్ బుకింగ్ సమయంలో IRCTC వెబ్సైట్ ఉదయం 10 గంటల నుంచి నిలిచిపోయింది. దీంతో టిక్కెట్లు అందుబాటులో లేకుండా వెబ్సైట్ కొన్ని గంటలపాటు ఆగిపోయింది. కానీ తాజాగా మళ్లీ పనిచేస్తుండటంతో వినియోగదారులు ఊపిరిపీల్చుకున్నారు. కానీ మరో రెండు రోజులు కూడా పలు కార్యకలాపాలు పనిచేయవని IRCTC స్పష్టం చేసింది.
భారతీయ రైల్వే ఆన్‌లైన్ టిక్కెట్ బుకింగ్ ప్లాట్‌ఫారమ్ IRCTC వెబ్సైట్ డౌన్ అయింది. దీంతో ఆన్‌లైన్‌లో టిక్కెట్ల బుకింగ్, రద్దు, తత్కాల్ టికెట్ బుకింగ్ సహా అన్నీ కార్యకలాపాలు నిలిచిపోయాయి. IRCTC వెబ్సైట్ పనిచేయకపోవడం వల్ల సోమవారం కొన్ని గంటలపాటు టిక్కెట్ల బుకింగ్ చేయడం సాధ్యం కాలేదు. దీంతో రైల్వే ప్రయాణికులు ఆందోళన చెందారు. ముఖ్యంగా తత్కాల్ టిక్కెట్లు బుక్ చేసుకోవాలనుకునే వారు చాలా ఇబ్బందులు పడ్డారు. తత్కాల్ బుకింగ్ విండో తెరవడంతో IRCTC సర్వర్ డౌన్ అయిందనే వార్త వెలుగులోకి వచ్చింది.
సైబర్ దాడి
నిర్వహణ పనులు జరుగుతున్నాయని IRCTC వెబ్‌సైట్‌లో సందేశం వచ్చింది. దీంతో తదుపరి గంట వరకు బుకింగ్స్ ఉండవని తెలిపింది. IRCTC సర్వీస్ డౌన్ అయిన తర్వాత TATKAL, IRCTC కీవర్డ్‌లు రెండూ Facebookలో ట్రెండింగ్‌లో ఉన్నాయి. సాధారణంగా నిర్వహణ పనులు రాత్రి 11 గంటల తర్వాత జరుగుతాయి. ఇలాంటి పరిస్థితుల్లో ఇది సైబర్ దాడి జరిగిందా అనే ప్రశ్న కూడా తలెత్తింది.
నిర్వహణ పనులు
వెబ్సైట్ డౌన్ అయిన తర్వాత IRCTC ద్వారా ఇప్పటి వరకు ఎలాంటి వివరాలు రాలేదు. IRCTC వెబ్‌సైట్‌కి లాగిన్ అయినప్పుడు డౌన్‌టైమ్ సందేశం వచ్చిచంది. టికెట్ రద్దు TDR ఫైల్ చేయడం కోసం, కస్టమర్ కేర్ నంబర్‌కు ఇమెయిల్ లేదా కాల్ చేయమని ప్రజలను కోరుతున్నారు. సాధారణంగా IRCTC సర్వర్ నిర్వహణ రాత్రిపూట జరుగుతుంది. అయితే ఉదయం 10 గంటలకు తత్కాల్ టిక్కెట్లను బుక్ చేసుకునే సమయంలో సర్వర్ డౌన్ అయింది.
సోషల్ మీడియాలో ఫిర్యాదులు
వెబ్సైట్ డౌన్‌టైమ్ నేపథ్యంలో సోషల్ మీడియాలో అనేక మంది ఫిర్యాదులు చేస్తున్నారు. ప్రధానంగా తత్కాల్ టిక్కెట్లు బుకింగ్ కోసం ఎదురు చూస్తున్న ప్రయాణికుల్లో నిరాశ నెలకొంది. సోషల్ మీడియాలో వీరు తమ అసంతృప్తిని వ్యక్తం చేస్తున్నారు. IRCTCని ట్యాగ్ చేసి అనేక రకాల ప్రశ్నలు అడుగుతున్నారు. కానీ ప్రస్తుతం IRCTC ఏ ప్రశ్నకు కూడా ఇంకా సమాధానం ఇవ్వలేదు.
కానీ మధ్యాహ్నం తర్వాత
అదృష్టవశాత్తూ మధ్యాహ్న సమయం తర్వాత సైట్ బ్యాక్ అప్ అయ్యి రన్ అవుతోంది. అయితే IRCTC అనేక వినియోగదారు సంబంధిత సేవలు రెండు రోజుల పాటు నిలిచిపోతాయని ప్రకటించింది. ఈ నోటీసు ప్రకారం వినియోగదారులు డిసెంబర్ 9 సాయంత్రం 4 గంటల నుంచి డిసెంబర్ 10 సాయంత్రం 4 గంటల వరకు కొత్త ఖాతాలను నమోదు చేసుకోలేరు. దీంతోపాటు పాస్‌వర్డ్‌లను కూడా మార్చలేరు. వారి ప్రొఫైల్‌లను కూడా అప్‌డేట్ చేసుకునే సౌకర్యం ఉండదు. వెబ్సైట్ నిర్వహణ కారణంగా ఇలా జరుగుతుందని రైల్వే సర్వీస్ స్పష్టం చేసింది.
ఇవి కూడా చదవండి:
Next Week IPOs: ఇన్వెస్టర్లకు గుడ్ న్యూస్.. వచ్చే వారం ఏకంగా 11 ఐపీఓలు..
Free Government Schemes: ఉచిత పథకాలపై ఆందోళన వ్యక్తం చేసిన ఆర్థిక శాఖ.. కారణమిదే..
Bank Holidays: ఈ నెలలో 17 రోజులు బ్యాంకులు క్లోజ్.. ఎప్పుడెప్పుడంటే..
Bitcoin Investment: ఇది కదా లక్కంటే.. అప్పటి 100 రూపాయల పెట్టుబడి, ఇప్పుడు 1.7 కోట్లు
Personal Finance: మీ అప్పులను ఈ 7 మార్గాల ద్వారా ఈజీగా తీర్చుకోండి..
Read More Business News and Latest Telugu News
Updated Date - Dec 09 , 2024 | 03:24 PM
