Stock Markets: నేడే ముహూరత్ ట్రేడింగ్ .. గత సంవత్సరాల్లో ఎలా ఉందంటే..

ABN, Publish Date - Nov 01 , 2024 | 07:49 AM

దీపావళి పండుగ వేళ కూడా స్టాక్ మార్కెట్లు తెరిచే ఉంటాయి. అయితే చాలా మంది పెట్టుబడిదారులు ఈ ముహూరత్ ట్రేడింగ్ సమయంలో షేర్లను కొనుగోలు చేయడం వల్ల ఏడాది పొడవునా తమకు అదృష్టం, సంపద లభిస్తుందని నమ్ముతారు. ఆ వివరాలేంటో ఇక్కడ తెలుసుకుందాం.

Muhurat Trading 2024

దేశవ్యాప్తంగా ప్రజలు దీపావళి సంబరాల్లో మునిగితేలుతున్నారు. పల్లెలు, నగరాలు దీపాల వెలుగులతో వెలిగిపోతున్నాయి. దీపావళి పండుగ ఆనందం, శ్రేయస్సు, పురోగతికి చిహ్నం. ఇది చీకటిపై వెలుగు సాధించిన విజయానికి చిహ్నం, చెడుపై మంచి సాధించిన విజయానికి ప్రతీకగా భావిస్తారు. అయితే ఈ పండుగ నేపథ్యంలో స్టాక్ మార్కెట్‌కు(stock market) కూడా ఓ ప్రత్యేక ప్రాముఖ్యత ఉంది. అందుకే ప్రతి సంవత్సరం BSE, NSEలలో ప్రత్యేక ట్రేడింగ్ సెషన్ నిర్వహిస్తారు.

ప్రత్యేక ట్రేడింగ్ సెషన్

దీపావళి సందర్భంగా నవంబర్ 1న ముహూరత్ ట్రేడింగ్(Muhurat Trading 2024) సెషన్ నిర్వహించబడుతుంది. ఇది నేడు (నవంబర్ 1న) సాయంత్రం 6 గంటల నుంచి 7 గంటల వరకు ట్రేడింగ్ జరుగుతుంది. స్టాక్ మార్కెట్ ఎక్స్ఛేంజీలు జారీ చేసిన సర్క్యూలర్ ప్రకారం, ప్రీ-ఓపెనింగ్ సెషన్ సాయంత్రం 5:45 నుంచి 6:00 వరకు ఉంటుంది. బ్లాక్ డీల్ విండో సాయంత్రం 5:30 నుంచి సాయంత్రం 5:45 వరకు తెరిచి ఉంటుంది. కాల్ సెషన్ సమయం సాయంత్రం 6:05 నుంచి 6:50 వరకు నిర్వహిస్తారు. అంటే చివరి 10 నిమిషాల్లో ఆర్డర్ ఎంట్రీ సెషన్ యాదృచ్ఛికంగా మూసివేయబడుతుంది. ఈ ట్రేడింగ్ హిందూ క్యాలెండర్ సంవత్సరం సంవత్ 2081 ప్రారంభాన్ని సూచిస్తుంది. దీనిని పెట్టుబడిదారులు, వ్యాపారులు ఆర్థిక వృద్ధికి సంవత్సరంలో మొదటి రోజును శుభప్రదంగా భావిస్తారు.

ఈ సమయంలో

ఈ సమయంలో ఈక్విటీ, కరెన్సీ డెరివేటివ్స్, ఈక్విటీ ఎఫ్ &ఓ, సెక్యూరిటీస్ లెండింగ్, బారోయింగ్‌లలో ట్రేడింగ్ ఒక గంట నిర్దిష్ట సమయ వ్యవధిలో మాత్రమే జరుగుతుంది. ప్రతి సంవత్సరం దీపావళి నాడు నిర్వహించే ముహూర్తం ట్రేడింగ్‌లో సాధారణంగా హెచ్చు తగ్గులు ఎక్కువగా ఉంటాయి. పెట్టుబడిదారులు లాభాల కోసం కాకుండా సంప్రదాయవాద వర్తకం చేస్తారని మార్కెట్ విశ్లేషకులు తెలిపారు. ఈరోజున విదేశీ పోర్ట్‌ఫోలియో ఇన్వెస్టర్ల భాగస్వామ్యం ఉండదు. వ్యాపారులు, పెట్టుబడిదారులు, మదుపర్ల ముహూరత్ ట్రేడింగ్ సమయంలో సింబాలిక్ ట్రేడ్‌లు చేస్తారు. ఈ సందర్భంగా ట్రేడ్ చేయడం వల్ల అదృష్టం, శ్రేయస్సు లభిస్తుందని నమ్ముతారు.

గత ట్రేడింగ్ ఎలా ఉందంటే

ఈ సంప్రదాయం శతాబ్దాలుగా అనధికారికంగా ఆచరిస్తున్నారు. BSE 1957లో ఈ సంప్రదాయాన్ని ప్రారంభించింది. తర్వాత ఈ సంప్రదాయాన్ని NSE కూడా స్వీకరించింది. డీమ్యాట్ ఖాతాల ద్వారా ఎలక్ట్రానిక్ ట్రేడింగ్‌ను ప్రవేశపెట్టడానికి ముందు, ట్రేడర్లు ప్రత్యేక సెషన్లలో ట్రేడింగ్ చేయడానికి ఎక్స్ఛేంజీల వద్ద సమావేశమై, ఆపై షేర్లను కొనుగోలు చేసి విక్రయించేవారు. ఈ ట్రేడింగ్ సమయంలో బెంచ్‌మార్క్ సూచీలు మిశ్రమ పనితీరును కనబరిచాయి. సెన్సెక్స్ 2016, 2017లో వరుస నష్టాలను నమోదు చేయగా, గత ఆరేళ్లుగా ప్రత్యేక ట్రేడింగ్ సెషన్లలో ఇండెక్స్‌లు గ్రీన్‌లో ముగిశాయి. 2023లో కూడా లాభపడింది.

ఇవి కూడా చదవండి:

LPG Gas: సామాన్యులకు షాకింగ్.. పెరిగిన ఎల్‌పీజీ గ్యాస్ ధరలు

Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..

Penny Stock: లక్ష పెట్టుబడితో 4 నెలల్లోనే రూ. 670 కోట్లు.. దేశంలోనే ఖరీదైన స్టాక్‌గా రికార్డ్

Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..