Stock markets: బడ్జెట్ సమావేశాల వేళ భారీ నష్టాలతో మొదలైన స్టాక్ మార్కెట్లు

బడ్జెట్ 2024కు ముందు రోజు దేశీయ స్టాక్ మార్కెట్లు(stock markets) సోమవారం (జులై 22న) భారీ నష్టాలతో ప్రారంభమయ్యాయి. గ్లోబల్ మార్కెట్ నుంచి వచ్చిన బలహీన సంకేతాల కారణంగా దేశీయ స్టాక్ మార్కెట్ సోమవారం నష్టాలతో మొదలైంది. ఈ క్రమంలో బెంచ్‌మార్క్ సూచీలైన సెన్సెక్స్, నిఫ్టీ 50తోపాటు బ్యాంక్ నిఫ్టీ, నిఫ్టీ మిడ్ క్యాప్ సూచీలు కూడా క్షీణతతో కొనసాగుతున్నాయి. ఈ క్రమంలో సెన్సెక్స్ ఉదయం 9.32 గంటల నాటికి 252 పాయింట్ల నష్టపోయి 80,380 స్థాయి వద్ద ఉండగా, నిఫ్టీ 60 పాయింట్లు తగ్గి 24,475 పరిధిలో ఉంది. మరోవైపు బ్యాంక్ నిఫ్టీ, నిఫ్టీ మిడ్ క్యాప్ సూచీలు వరుసగా 150, 66 పాయింట్లు పతనమయ్యాయి.

టాప్ 5

ఈ నేపథ్యంలో ప్రస్తుతం BPCIL, NTPC, HDFC బ్యాంక్, అల్ట్రా టెక్ సిమెంట్, పవర్ గ్రిడ్ కంపెనీల స్టాక్స్ టాప్ 5 లాభాల్లో ఉండగా, విప్రో, కోటక్ మహీంద్రా, రిలయన్స్, ఐషర్ మోటార్స్, ICICI బ్యాంక్ సంస్థల స్టాక్స్ టాప్ 5 నష్టాల్లో ఉన్నాయి. అమెరికా అధ్యక్షుడు జో బిడెన్ అధ్యక్ష రేసు నుండి నిష్క్రమించారనే వార్తల మధ్య సోమవారం ఆసియా మార్కెట్లు క్షీణించాయి. పీపుల్స్ బ్యాంక్ ఆఫ్ చైనా రుణ ప్రైమ్ రేట్ నిర్ణయంపై పెట్టుబడిదారులు ఒక కన్నేసి ఉంచారు. జపాన్‌కు చెందిన నిక్కీ 225 0.5% క్షీణించగా, టాపిక్స్ 0.41% నష్టపోయింది. దక్షిణ కొరియా కోస్పి 0.16%, కోస్‌డాక్ 0.39% పడిపోయింది.

ఆసియా మార్కెట్లు

ఆసియా మార్కెట్లు క్షీణించగా, అమెరికా స్టాక్ మార్కెట్లు శుక్రవారం నష్టాల్లో ముగిశాయి. మరోవైపు US అధ్యక్ష ఎన్నికల నుంచి జో బిడెన్ నిష్క్రమించడం, కొత్త అభ్యర్థిగా వైస్ ప్రెసిడెంట్ కమలా హారిస్‌కు మద్దతు ఇవ్వడంపై స్టాక్ మార్కెట్లపై ప్రభావం చూపుతోంది. ఇది కాకుండా ఈ వారం మార్కెట్ కదలికకు దిశానిర్దేశం చేసే ఆర్థిక సర్వే, మొదటి త్రైమాసిక ఫలితాలు, దేశీయ, ప్రపంచ స్థూల ఆర్థిక గణాంకాలు, సాధారణ బడ్జెట్‌కు ముందు ముడి చమురు ధరలు, ఇతర సంబంధిత ప్రభుత్వ విధాన ప్రకటనలు కూడా ప్రభావం చూపనున్నాయి.

ఇవి కూడా చదవండి:

Economic Survey: ఈరోజు ఏ సమయంలో ఆర్థిక సర్వేను సమర్పిస్తారు?

Economic Survey: ఆర్థిక సర్వే ప్రత్యేకత ఏంటి.. బడ్జెట్‌కు ఒకరోజు ముందే ఎందుకు సమర్పిస్తారు?

8 ఐపీఓలు.. 8 లిస్టింగ్‌లు

Alert: రిటర్న్‌లు దాఖలు చేసేటప్పుడు.. ఈ 4 తగ్గింపులు క్లెయిమ్ చేసుకోవడం మర్చిపోవద్దు

Read More Business News and Latest Telugu News