School : అమెరికా పాఠశాలలో కాల్పుల కలకలం
ABN, Publish Date - Sep 05 , 2024 | 05:58 AM
అమెరికాలో మరోసారి కాల్పులు కలకలం రేపాయి. జార్జియా బోరో కౌంటీలోని ఓ పాఠశాలలో జరిగిన కాల్పుల్లో నలుగురు విద్యార్థులు మృతి చెందగా
నలుగురు విద్యార్థుల మృతి, 30 మందికిపైగా గాయాలు
విండర్‌, సెప్టెంబరు 4: అమెరికాలో మరోసారి కాల్పులు కలకలం రేపాయి. జార్జియా బోరో కౌంటీలోని ఓ పాఠశాలలో జరిగిన కాల్పుల్లో నలుగురు విద్యార్థులు మృతి చెందగా, 30 మందికిపైగా గాయపడ్డారు. భద్రతా సిబ్బంది గాయపడిన విద్యార్థులను హెలికాప్టర్లలో హుటాహుటిన ఆస్పత్రులకు తరలించారు.
పాఠశాలను తమ అదుపులోకి తీసుకుని, విద్యార్థులను సురక్షిత ప్రాంతాలకు తరలించారు. అనుమానితుడిని అదుపులోకి తీసుకుని విచారిస్తున్నారు. బోరో కౌంటీలో లాక్‌డౌన్‌ ప్రకటించి జార్జియాలోని అన్ని పాఠశాలలకు జాగ్రత్తగా ఉండాలని హెచ్చరించారు.
Updated Date - Sep 05 , 2024 | 05:58 AM
