Chhattisgarh : బస్తర్‌ అడవుల్లో ఎన్‌కౌంటర్‌..
ABN, Publish Date - Sep 04 , 2024 | 04:54 AM
ఛత్తీ్‌స్‌గఢ్‌లోని బస్తర్‌ అడవులు మరోమారు కాల్పుల మోతతో దద్దరిల్లాయి. బీజాపూర్‌-దంతేవాడ సరిహద్దుల్లోని లోహగావ్‌, పురంగెల్‌ కొండపై మంగళవారం పోలీసులు, మావోయిస్టులకు మధ్య జరిగిన ఎదురుకాల్పుల్లో 9 మంది నక్సల్స్‌ మృతిచెందారు.
9 మంది నక్సల్స్‌ మృతి
చర్ల/చింతూరు, సెప్టెంబరు 3: ఛత్తీ్‌స్‌గఢ్‌లోని బస్తర్‌ అడవులు మరోమారు కాల్పుల మోతతో దద్దరిల్లాయి. బీజాపూర్‌-దంతేవాడ సరిహద్దుల్లోని లోహగావ్‌, పురంగెల్‌ కొండపై మంగళవారం పోలీసులు, మావోయిస్టులకు మధ్య జరిగిన ఎదురుకాల్పుల్లో 9 మంది నక్సల్స్‌ మృతిచెందారు. మృతుల్లో ఆరుగురు మహిళలు ఉన్నారు. దంతేవాడ ఎస్పీ గౌరవ్‌రాయ్‌ కథనం ప్రకారం.. సోమవారం రాత్రి లోహగావ్‌-పురంగెల్‌ కొండల మధ్య మావోయిస్టుల కదలికలు ఉన్నట్లు ఉప్పందుకున్న దంతేవాడ, బీజాపూర్‌ జిల్లాల డీఆర్‌జీ పోలీసులు, బీఎ్‌సఎఫ్‌, కోబ్రా బలగాలు కూంబింగ్‌ ప్రారంభించాయి. మంగళవారం ఉదయం బలగాలకు మావోయిస్టులు తారసపడ్డారు. ఈ క్రమంలో ఇరువర్గాల మధ్య నాలుగు గంటల పాటు కాల్పులు కొనసాగాయి. ‘‘మావోయిస్టుల వైపు కాల్పులు నిలిచిపోయిన కాసేపటికి బలగాలు ముందుకు చొచ్చుకెళ్లాయి.
తొమ్మిది మంది నక్సల్స్‌ మృతదేహాలను స్వాధీనం చేసుకున్నాం. వారిలో ఆరుగురు మహిళా నక్సలైట్లు. వీరంతా పీఎల్‌జీ-2 గెరిల్లా బెటాలియన్‌, దర్బా కమిటీకి చెందిన మావోయిస్టులు అని నిర్ధారించాం. ఒక ఎస్‌ఎల్‌ఆర్‌, 303, 315 రైఫిళ్లు, ఒక డ్రెయిన్‌ గన్‌, మరొక 12-బోర్‌ గన్‌, ఒక బీజీఎల్‌, మందుపాతరలు, విప్లవ సాహిత్యాన్ని స్వాధీనం చేసుకున్నాం. పెద్దసంఖ్యలో మావోయిస్టులు అక్కడి నుంచి తప్పించుకున్నారు.’’ అని గౌరవ్‌రాయ్‌ వెల్లడించారు.
13 మంది మావోయిస్టుల అరెస్టు
బీజాపూర్‌జిల్లా గంగలూరు పోలీ్‌సస్టేషన్‌ పరిధిలోని తెర్రాం అడవుల్లో పోలీసులు సోమవారం 13 మంది మావోయిస్టులను అరెస్టు చేశారు. వారి నుంచి మందుగుడు సామగ్రిని స్వాధీనం చేసుకున్నారు. కొన్ని రోజుల క్రితం ఐఈడీ మందుపాతర పేల్చిన ఘటనలో ఈ 13 మంది నిందితులని వెల్లడించారు.
Updated Date - Sep 04 , 2024 | 04:54 AM
