Delhi High Court : ఎమ్మెల్సీ కవిత బెయిల్‌ పిటిషన్లపై నేడు తీర్పు
ABN, Publish Date - Jul 01 , 2024 | 04:53 AM
ఢిల్లీ మద్యం కుంభకోణం కేసులో అరెస్టయిన బీఆర్‌ఎస్‌ ఎమ్మెల్సీ కవిత బెయిల్‌ పిటిషన్లపై సోమవారం (జూలై 1) ఢిల్లీ హైకోర్టు తీర్పు వెలువరించే అవకాశముంది.
న్యూఢిల్లీ, జూన్‌ 30: ఢిల్లీ మద్యం కుంభకోణం కేసులో అరెస్టయిన బీఆర్‌ఎస్‌ ఎమ్మెల్సీ కవిత బెయిల్‌ పిటిషన్లపై సోమవారం (జూలై 1) ఢిల్లీ హైకోర్టు తీర్పు వెలువరించే అవకాశముంది. అన్ని పక్షాల వాదనల తర్వాత మే 28న కవిత 2 బెయిల్‌ పిటిషన్లపై తీర్పు రిజర్వు చేసిన జస్టిస్‌ స్వర్ణకాంతశర్మ..
సోమవారం మధ్యాహ్నం 2.30 గంటలకు తీర్పు ప్రకటించనున్నారు. సీబీఐ అవినీతి కేసుతో పాటు ఈడీ మనీ లాండరింగ్‌ కేసులో కవిత బెయిల్‌ దరఖాస్తులను కొట్టివేస్తూ మే 6న ట్రయల్‌ కోర్టు ఇచ్చిన ఉత్తర్వులను ఆమె సవాల్‌ చేశారు. ఈ కేసులోని 50మంది నిందితుల్లో కవిత ఒక్కరే మహిళని.. దీన్ని పరిగణనలోకి తీసుకొని బెయిల్‌ ఇవ్వాలని కవిత తరఫు న్యాయవాది కోర్టును కోరారు. అయితే ఈ వాదనను సీబీఐ, ఈడీ వ్యతిరేకించాయి.
Updated Date - Jul 01 , 2024 | 04:53 AM
