Delhi : పోలీసులు గుర్తు పట్టకుండా ప్లాస్టిక్‌ సర్జరీలు
ABN, Publish Date - Jul 12 , 2024 | 05:34 AM
పోలీసులు తమను గుర్తుపట్టకుండా ఫిలిప్పీన్స్‌లో నేరగాళ్లు ప్లాస్టిక్‌ సర్జరీలు చేసుకుంటున్నారు. ఇలాంటి వారికోసమని ఆ దేశంలో కొన్ని రహస్య ఆస్పత్రులు కూడా వెలిశాయి.
అరెస్టుల నుంచి తప్పించుకొనేందుకు ఫిలిప్పీన్స్‌లో నేరగాళ్ల కొత్త ఎత్తులు
న్యూఢిల్లీ, జూలై 11: పోలీసులు తమను గుర్తుపట్టకుండా ఫిలిప్పీన్స్‌లో నేరగాళ్లు ప్లాస్టిక్‌ సర్జరీలు చేసుకుంటున్నారు. ఇలాంటి వారికోసమని ఆ దేశంలో కొన్ని రహస్య ఆస్పత్రులు కూడా వెలిశాయి. మే నెలలో అధికారులు ఓ ఆస్పత్రిలో తనిఖీలు నిర్వహించిన సమయంలో ఈ విషయం వెల్లడైంది. తాజాగా, మరో రహస్య ఆస్పత్రిని గుర్తించారు. ఈ హాస్పిటళ్లలో హెయిర్‌ ట్రాన్స్‌ప్లాంట్‌ పరికరాలు, దంత నమూనాలు, శరీరం రంగును మార్చే ద్రావణాలను స్వాధీనం చేసుకున్నారు. వీటితో ఒక మనిషి రూపురేఖలను పూర్తిగా మార్చవచ్చని అధికారులు తెలిపారు. ఈ రహస్య ఆస్పత్రుల క్లయింట్లంతా నిబంధనలకు విరుద్ధంగా ఫిలిప్పీన్స్‌లో ఉంటున్నవారు, క్యాసినో ఆడేవారు, గ్యాంబ్లర్లు, కరడుగట్టిన నేరస్థులేనని వివరించారు. ఈ వ్యవహారంలో పోలీసులు ముగ్గురిని అరెస్టు చేశారు. వీరిలో ఇద్దరు వియత్నాం, ఒకరు చైనాకు చెందినవారు. ఈ రెండు ఆస్పత్రులను శాశ్వతంగా మూసివేయడానికి చర్యలు తీసుకుంటున్నామని తెలిపారు.
Updated Date - Jul 12 , 2024 | 05:34 AM
